మెగా ప‌వ‌ర్ స్టార్ రామ్ చ‌ర‌ణ్ సుకుమార్ తో ఓ మూవీ చేస్తున్న విషయం తెలిసిందే. ఈ చిత్రాన్ని మైత్రీ మూవీ మేక‌ర్స్ సంస్థ నిర్మిస్తుంది. గ్రామీణ నేప‌ధ్యంతో సాగే విభిన్న క‌థాంశంతో ఈ చిత్రాన్ని సుకుమార్ రూపొందించ‌నున్నారు. ఈ చిత్రంలో రామ్ చ‌ర‌ణ్ స‌ర‌స‌న రాశీ ఖ‌న్నా న‌టించ‌నున్న‌ట్టు వార్త‌లు వ‌చ్చాయి. ఇదిలా ఉంటే...తాజాగా అనుప‌మ ప‌ర‌మేశ్వ‌ర‌న్ రామ్ చ‌ర‌ణ్ - సుకుమార్ మూవీలో న‌టించ‌నున్న‌ట్టు ట్విట్ట‌ర్ ద్వారా తెలియ‌చేసింది. అయితే...ఈ మూవీకి సంబంధించి లేటెస్ట్ న్యూస్ ఏమిటంటే...ఈ చిత్రంలో అనుప‌మ ప‌ర‌మేశ్వ‌ర‌న్ తో పాటు మ‌రో హీరోయిన్ కూడా న‌టిస్తుంద‌ట‌. ఆ హీరోయిన్ ఎవ‌రో కాదు రాశీ ఖ‌న్నా అని ప్ర‌చారం జ‌రుగుతుంది. ప్ర‌స్తుతం ప్రీ ప్రొడ‌క్ష‌న్ వ‌ర్క్ జ‌రుపుకుంటున్న ఈ చిత్రం షూటింగ్ ను త్వ‌ర‌లో ప్రారంభించ‌డానికి ప్లాన్ చేస్తున్నారు.