బెల్లంకొండ శ్రీనివాస్ చిత్రంలో మ‌రో హీరోయిన్‌గా...
- IndiaGlitz, [Saturday,March 09 2019]
1970 ద‌శంలో రాబిన్ హుడ్‌గా పేరు గాంచిన టైగర్ నాగేశ్వ‌ర‌రావు స్టువ‌ర్టుపురంలో పేరు మోసిన దొంగ. ఈయ‌న జీవిత‌క‌థ‌తో 'టైగర్' అనే సినిమాను తెర‌కెక్కించ‌బోతున్నారు. అనీల్ సుంక‌ర నిర్మాణంలో వంశీ కృష్ణ దర్శకత్వంలో సినిమా తెర‌కెక్క‌నుంది. ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి.
ఈ సినిమాలో ఇద్ద‌రు హీరోయిన్స్ ఉంటారు. అందులో ఒక‌రిగా 'ఆర్‌.ఎక్స్ 100' ఫేమ్ పాయ‌ల్ రాజ్‌పుత్‌ను తీసుకున్నారు. కాగా మ‌రో హీరోయిన్‌గా నిధి అగ‌ర్వాల్‌ను ఓకే చేశార‌ట. అక్కినేని హీరోలైన నాగ‌చైత‌న్య‌తో స‌వ్య‌సాచి, అఖిల్‌తో మిస్ట‌ర్ మ‌జ్ను సినిమాలు చేసిన నిధి అగ‌ర్వాల్ ఇప్పుడు రామ్, పూరి సినిమా 'ఇస్మార్ట్ శంక‌ర్‌'లో సైంటిస్ట్ పాత్ర‌లో క‌నిపించ‌నుంది. ప్ర‌స్తుతం బెల్లంకొండ శ్రీనివాస్ సినిమాలో న‌టించ‌నుంది.