నంద‌మూరి బాల‌కృష్ణ త‌న 106వ సినిమాకు సిద్ధ‌మ‌వుతున్నాడు. బోయపాటి శ్రీను ద‌ర్శ‌క‌త్వంలో ఈ సినిమా రూపొంద‌నున్న సంగ‌తి తెలిసిందే. ఈ సినిమా ఇటీవ‌లే లాంఛ‌నంగా ప్రారంభ‌మైన సంగ‌తి తెలిసిందే. ఇప్పుడు ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. అందులో భాగంగా ద‌ర్శ‌కుడు బోయ‌పాటి శ్రీను ఇప్పుడు బాల‌య్య‌కు హీరోయిన్‌ని ఎంపిక చేసే ప‌నిలో ఉన్నారు.

బాల‌య్య స‌ర‌స‌న సోనాక్షి సిన్హా పేరుతో పాటు క‌న్న‌డ హీర‌యిన్ రుచితా రామ్ పేరు ప్ర‌ముఖంగా విన‌ప‌డింది. అయితే లేటెస్ట్ స‌మాచారం మేరకు ఇప్పుడు బాల‌య్య స‌ర‌స‌న హీరోయిన్ ఖ‌రారైంద‌ని వార్త‌లు విన‌ప‌డుతున్నాయి.

వివ‌రాల ప్ర‌కారం ఈ చిత్రంలో బాల‌కృష్ణ స‌ర‌స‌న క్యాథ‌రిన్ థ్రెసా హీరోయిన్‌గా న‌టించ‌నుంద‌ట‌. ఇది వ‌ర‌కు బోయపాటి సినిమాలైన స‌రైనోడు, జ‌య‌జాన‌కినాయ‌క చిత్రాల్లో క్యాథ‌రిన్ హీరోయిన్‌గా న‌టించిన సంగ‌తి తెలిసిందే. తాజాగా ఇప్పుడు మ‌రోసారి బోయ‌పాటి ద‌ర్శ‌క‌త్వంలో ఈమె సినిమా చేయ‌బోతుంది.

సింహా, లెజెండ్ వంటి విజ‌య‌వంత‌మైన చిత్రాల త‌ర్వాత వీరిద్ద‌రి కాంబినేష‌న్‌లో రూపొందుతోన్న హ్యాట్రిక్ మూవీ కావ‌డంతో సినిమాపై భారీ అంచనాలున్నాయి. ద్వారకా క్రియేష‌న్స్ బ్యాన‌ర్‌పై మిర్యాల ర‌వీంద‌ర్ రెడ్డి ఈ సినిమాను నిర్మిస్తున్నారు. అలాగే ఈ నెల 20న బాల‌కృష్ణ `రూల‌ర్‌` సినిమాతో ప్రేక్ష‌కుల ముందుకు రాబోతున్నారు.