హ‌రీష్ సినిమాలో మ‌రో హీరో ఎవ‌రంటే...
- IndiaGlitz, [Friday,December 14 2018]
డైరెక్టర్ హ‌రీష్ శంక‌ర్ 'డీజే దువ్వాడ జ‌గ‌న్నాథ‌మ్' త‌ర్వాత సినిమా చేయడానికి చాలా క‌ష్ట‌ప‌డుతున్నాడ‌నే చెప్పాలి. చేయాల్సిన దాగుడు మూత‌లు కాన్సెప్ట్ న‌చ్చ‌క దిల్‌రాజు ప‌క్క‌న పెట్టేస్తే ఇప్పుడు హరీశ్ శంక‌ర్ త‌మిళ చిత్రం 'జిగ‌ర్ తండా' ను తెలుగులో రీమేక్ చేయ‌బోతున్నాడు. సిద్ధార్థ్, బాబీసింహ ప్ర‌ధాన పాత్ర‌ల్లో న‌టించిన ఈ సినిమాను తెలుగులో అనువాదం చేశారు.
ఈ సినిమాలో న‌ట‌న‌కు బాబీ సింహకు నేష‌న‌ల్ అవార్డు కూడా ద‌క్కింది. కాగా ఇప్పుడు మ‌ళ్లీ హరీశ్ ఈ సినిమాను రీమేక్ చేయాల‌నుకుంటున్నాడు. అయితే తెలుగులో న‌టీన‌టుల కోసం అన్వేషిస్తున్నాడు. త‌మిళంలో బాబీసింహ చేసిన గ్యాంగ్‌స్ట‌ర్ పాత్ర‌ను తెలుగులో వ‌రుణ్ తేజ్‌తో చేయ‌బోత‌న్నాడ‌ని ఫిలింన‌గ‌ర్ వ‌ర్గాల స‌మాచారం.
కాగా సిద్ధార్థ్ పాత్ర‌లో ఎవ‌రు న‌టిస్తార‌నేది ఆస‌క్తిక‌రంగా మారింది. సినీ వ‌ర్గాల క‌థ‌నం ప్ర‌కారం ఆ రోల్‌లో నాగ‌శౌర్య లేదా రాజ్ త‌రుణ్ గానీ న‌టించే అవ‌కాశాలున్నాయ‌ట. త్వ‌ర‌లోనే ఏదో ఒక‌టి ఫైన‌లైజ్ అవుతుంద‌ట.