‘మ‌హా స‌ముద్రం’లో మ‌రో హీరో..?
- IndiaGlitz, [Tuesday,April 28 2020]
తొలి చిత్రం ‘ఆర్‌.ఎక్స్ 100’తో సూప‌ర్‌హిట్ అందుకున్నాడు అజ‌య్ భూప‌తి. త‌ర్వాత ‘మ‌హా స‌ముద్రం’ అనే మ‌ల్టీస్టార‌ర్ క‌థ‌ను సిద్ధం చేసుకున్నాడు. ర‌వితేజ, సిద్ధార్థ్ స‌హా ప‌లువురు హీరోల‌ను క‌లిశాడు. అంతా ఓకే అవుతున్న త‌రుణంలో ప్రాజెక్ట్ ఆగుతూ వ‌చ్చింది. చివ‌ర‌కు శ‌ర్వానంద్ హీరోగా సినిమా చేయ‌డానికి సిద్ధ‌మ‌య్యాడ‌ని టాక్ వినపడుతుంది. అయితే ఈ సినిమాలో ఇద్ద‌రు హీరోలు న‌టించాల్సి ఉంటుంది. మ‌రి మ‌రో హీరో ఎవ‌రు న‌టిస్తారు? అనే దానిపై మ‌రింత క్లారిటీ రావాల్సి ఉన్న త‌రుణంలో తాజా స‌మాచారం మేర‌కు ఇందులో మ‌రో హీరో కూడా ఖ‌రార‌య్యాడ‌ట. ఆ హీరో ఎవ‌రో కాదు.. సిద్ధార్థ్. ఒక‌ప్పుడు తెలుగులో మంచి స‌క్సెస్‌ఫుల్ చిత్రాలు చేసిన సిద్ధార్థ్ ఇప్పుడు తెలుగులో సినిమాలు చేయ‌డం మానేశాడు.
మంచి క‌థ దొరికితేనే తెలుగులో సినిమాలు చేస్తాన‌ని చెబుతూ వ‌చ్చిన సిద్ధార్థ్... మ‌హా స‌ముద్రం స్క్రిప్ట్ విన‌గానే న‌టించ‌డానికి ఓకే అయ్యాడట. ఇందులో ఓ హీరోయిన్‌గా సాయిప‌ల్ల‌వి న‌టిస్తుంద‌ని వార్త‌లు విన‌ప‌డుతున్నాయి. ఇప్ప‌టికే సినిమా ప్రారంభం కావాల్సి ఉంది. కానీ కరోనా ప్ర‌భావంతో సినిమాల షూటింగ్స్ ఆగ‌డంతో ఆ ప్ర‌భావం మ‌హా సముద్రంపై ప‌డింది.