సూపర్ స్టార్ ఫ్యామిలీ నుంచి మరో హీరో వస్తున్నాడు..!
- IndiaGlitz, [Sunday,December 18 2016]
సూపర్ స్టార్ కృష్ణ ఫ్యామిలీ నుంచి రమేష్ బాబు, మ‌హేష్ బాబు, మంజుల, సుధీర్ బాబు...ఇండ‌స్ట్రీకి వచ్చిన విష‌యం తెలిసిందే. ఇప్పుడు సూపర్ స్టార్ ఫ్యామిలీ నుంచి మరో వార‌సుడు ఎంట్రీ ఇచ్చేందుకు రెడీ అవుతున్నాడు. ఇంతకీ ఎవ‌ర‌నుకుంటున్నారా...! సూపర్ స్టార్ కృష్ణ అల్లుడు, తెలుగుదేశం పార్టీ ఎం.పి గ‌ల్లా జ‌య‌దేవ్ కుమారుడు అశోక్. గ‌ల్లా జ‌య‌దేవ్ కుమారుడు అశోక్ త్వ‌ర‌లో హీరోగా ప‌రిచ‌యం కానున్నాడు. ఈ విష‌యాన్ని గ‌ల్లా జ‌య‌దేవ్ సోష‌ల్ మీడియా ద్వారా తెలియ‌చేస్తూ కుమారుడు గ‌ల్లా అశోక్ ఫోటోల‌ను పోస్ట్ చేసారు.
కృష్ణ పెద్ద కుమార్తె ప‌ద్మావ‌తి, జ‌య‌దేవ్ ల కుమారుడే అశోక్. జ‌య‌దేవ్ త‌న బిజినెస్ ను కుమారుడు అశోక్ చేసుకుంటాడు అనుకున్నార‌ట. కానీ..అశోక్ సినిమాల ప‌ట్ల ఆస‌క్తి చూపించాడ‌ట. అయిన‌ప్ప‌టికీ ఇండ‌స్ట్రీలో రాణించ‌డం అంత సులువు కాదు అని చెప్పినా ఖ‌చ్చితంగా హీరో అవ్వాల‌నుకుంటున్నాను అని అశోక్ చెప్ప‌డంతో కొడుకు కోరిక కాద‌న‌లేక జ‌య‌దేవ్ ఓకే అన్నారట. అశోక్ చైల్ ఆర్టిస్ట్ గా మ‌హేష్ బాబు న‌టించిన నాని చిత్రంలో న‌టించాడు. ప్ర‌స్తుతం అశోక్ ఏక్టింగ్ లో ట్రైనింగ్ తీసుకుంటున్నాడు. మ‌రి...అశోక్ ఫ‌స్ట్ మూవీ ఎవ‌రితో ఉంటుంది. ఎప్పుడు ఉంటుంది అనేది తెలియాలంటే కొన్ని రోజులు ఆగాల్సిందే.