నేటి తరం అగ్ర దర్శకుల్లో సుకుమార్ తన దర్శకత్వ శాఖలో పనిచేస్తున్న వారిని బాగా ఎంకరేజ్ చేస్తున్నాడు. తన టీమ్ సభ్యుల్లో ఎవరి కథైనా నచ్చితే సుకుమార్ సినిమాను ప్రొడ్యూస్ కూడా చేస్తున్నాడు. అంతే కాకుండా తను డైరెక్ట్ చేయాలనుకుని డైరెక్ట్ చేయ‌లేక‌పోతున్న క‌థ‌ల‌తోనూ సినిమాను సుకుమార్ నిర్మిస్తున్నాడు. సుకుమార్ రైటింగ్స్ బ్యాన‌ర్‌తో పాటు మ‌రో నిర్మాతతో కూడా సుకుమార్ చేతులు క‌లిపి సినిమా నిర్మాణంలో భాగ‌స్వామ్యం వ‌హిస్తున్నాడు.

సుకుమార్ శిష్యుల్లో ప‌ల్నాటి సూర్య‌ప్ర‌తాప్‌తో కుమారి 21 ఎఫ్ సినిమాను నిర్మించిన సంగ‌తి తెలిసిందే. దీని త‌ర్వాత బుచ్చిబాబు సానాతో ఉప్పెన సినిమాను కూడా నిర్మించాడు సుకుమార్‌. ఇప్పుడు మ‌రోసారి ప‌ల్నాటి సూర్య‌ప్రతాప్‌తో మ‌రోసారి 18 పేజీస్ సినిమాను నిర్మిస్తున్నాడు. కాగా.. ఇప్పుడు శ్రీకాంత్ అనే మ‌రో ద‌ర్శ‌కుడు సుకుమార్ టీమ్ నుండి మెగాఫోన్ ప‌ట్ట‌నున్నాడ‌ట‌. ఈ సినిమాను సుకుమార్ రైటింగ్స్ బ్యాన‌ర్‌పై సుకుమార్ నిర్మించ‌నున్నాడ‌ట‌. ఆస‌క్తిక‌ర‌మైన విష‌య‌మేమంటే ఈ చిత్రంలో నేచుర‌ల్ స్టార్ నాని హీరోగా న‌టించే అవ‌కాశం ఉంద‌ని సోష‌ల్ మీడియాలో వార్త‌లు విన‌ప‌డుతున్నాయి. మ‌రి ఈ వార్త‌ల్లో నిజా నిజాలు తెలియాలంటే మ‌రికొన్నిరోజులు ఆగితే స‌రిపోతుంది.