ஜெயலலிதா வாழ்க்கை வரலாறு குறித்த இன்னொரு படம்!
- IndiaGlitz, [Monday,April 08 2019]
முன்னாள் முதல்வர் ஜெயலலிதாவின் வாழ்க்கை வரலாறு திரைப்படத்தை ஒரே நேரத்தில் இரண்டு இயக்குனர்கள் இயக்கி வருகின்றனர். ஜெயலலிதா கேரக்டரில் நித்யாமேனன் நடிக்கும் 'தி அயர்ன் லேடி' என்ற படத்தை இயக்குனர் பிரியதர்ஷனும், ஜெயலலிதா கேரக்டரில் கங்கனா ரனாவத் நடிக்கும் 'தலைவி' என்ற படத்தை இயக்குனர் விஜய்யும் இயக்கி வருகின்றனர். மேலும் ஜெயலலிதாவின் வாழ்க்கை வரலாற்றை வெப் சீரியஸாக இயக்கும் முயற்சியில் இயக்குநர் கவுதம் மேனன் ஈடுபட்டுள்ளதாகவும், இந்த வெப்சீரீஸில் ஜெயலலிதா கேரக்டரில் ரம்யாகிருஷ்ணன் நடிக்கவுள்ளதாகவும் கூறப்படுகிறது
இந்த நிலையில் இயக்குனர் கே.ஜகதீஸ்வர ரெட்டி என்பவரும் ஜெயலலிதா வாழ்க்கை வரலாறு திரைப்படத்தை இயக்கவுள்ளதாக அறிவித்துள்ளார். அதுமட்டுமின்றி 'சசிலலிதா' என்ற தலைப்பில் ஒரு போஸ்டரையும் அவர் வெளியிட்டுள்ளார். இந்த படம் இரண்டு பாகங்களாக தயாரிக்கப்படவுள்ளதாக கூறப்படுகிறது
ஏற்கனவே சசிகலா வாழ்க்கை வரலாறு குறித்த ஒரு திரைப்படத்தை பிரபல தெலுங்கு இயக்குனர் ராம்கோபால் வர்மா இயக்கவுள்ளதாக அறிவித்துள்ளார் என்பது குறிப்பிடத்தக்கது. இன்னும் எத்தனை பேர் ஜெயலலிதாவின் வாழ்க்கை வரலாறு திரைப்படத்தை உருவாக்குவார்கள் என்பதை பொறுத்திருந்து பார்ப்போம்