టాలీవుడ్‌లోకి మరో బాలీవుడ్ న‌టి...
- IndiaGlitz, [Thursday,July 19 2018]
తెలుగు సినిమా రేంజ్ నేడు బాలీవుడ్ సినిమాల‌ను చేరింది. ఇక్క‌డ క్వాలిటీ సినిమాలు రూపొందుతున్నాయి. అందుక‌నే బాలీవుడ్ న‌టీన‌టులు కూడా ద‌క్షిణాదిన.. ముఖ్యంగా తెలుగులో న‌టించ‌డానికి ఆస‌క్తిని చూపుతున్నారు. అలా ఆస‌క్తితో బాలీవుడ్‌లో ప‌లు సీరియ‌ల్స్‌, యాడ్స్‌లో న‌టించిన మోడ‌ల్ దివ్యాంశ కౌశిక్ తెలుగులో త‌న అదృష్టాన్ని ప‌రీక్షించుకోనుంది.
వివ‌రాల్లోకెళ్తే.. పెళ్లి త‌ర్వాత చైత‌న్య, స‌మంత జంట‌గా ఓ సినిమాలో న‌టించ‌నున్న సంగ‌తి తెలిసిందే. నిన్ను కోరి ఫేమ్ శివ నిర్వాణ ఈ చిత్రాన్ని తెర‌కెక్కిస్తున్నారు. పెళ్లైన ఓ జంట మ‌ధ్య‌లో మరో స్త్రీ వ‌స్తే ఎలాంటి స‌మ‌స్య‌లు వ‌స్తాయ‌నే కాన్సెప్ట్‌తో ఈ సినిమా రూపొంద‌నుంద‌ట. చైతు, స‌మంత భార్యభ‌ర్త‌లుగా న‌టిస్తుంటే..వారి జీవితంలోకి ప్ర‌వేశించే అమ్మాయి పాత్రలో దివ్యాంశ కౌశిక్ క‌న‌ప‌డ‌నున్నారు.