నితిన్ రీమేక్.. మ‌రో బాలీవుడ్ న‌టి
- IndiaGlitz, [Tuesday,June 09 2020]
యువ క‌థానాయ‌కుడు నితిన్.. ఏడాదిన్న‌ర గ్యాప్ త‌ర్వాత చేసిన 'భీష్మ'తో బాక్సాఫీస్ ద‌గ్గ‌ర పెద్ద హిట్ కొట్టాడు. ఈ గ్యాప్‌లో నితిన్ మూడు సినిమాల‌ను లైన్‌లో పెట్టాడు. అందులో ఒక‌టి బాలీవుడ్ రీమేక్ సినిమా కూడా ఉంది. బాలీవుడ్‌లో ఆయుష్మాన్ ఖురానా, రాధికా ఆప్టే, టబు న‌టించిన 'అంధాదున్' సినిమా పెద్ద హిట్టైన సంగ‌తి తెలిసిందే. దాని రీమేక్ హ‌క్కుల‌ను నితిన్ ద‌క్కించుకున్నాడు. ఇప్పుడు ఆ సినిమాకు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి.
లేటెస్ట్ సమాచారం మేరకు రీమేక్‌లో టబు చేసిన పాత్రను తెలుగులోనూ టబు చేస్తుంద‌ని కొన్నిరోజులు.. మ‌రి కొన్ని రోజుల త‌ర్వాత అన‌సూయ చేస్తుందంటూ వార్త‌లు వినిపించాయి. ఇటీవ‌ల ర‌మ్య‌కృష్ణ పేరు ప్ర‌ముఖంగా విన‌పడింది. లేటెస్ట్ సమాచారం మేరకు ఈ పాత్ర‌కు చిత్ర యూనిట్ మ‌రో బాలీవుడ్ న‌టినే తీసుకోవాల‌నే అనుకుంటున్నారట. వివ‌రాల మేరకు బాలీవుడ్‌లో ఒక‌ప్పుడు రాణించి వెంక‌టేశ్‌, నాగార్జున, మోహ‌న్‌బాబు వంటి స్టార్స్‌తో న‌టించిన శిల్పాశెట్టిని సంప్ర‌దిస్తున్నట్లు టాక్‌. మ‌రి ఇందులో నిజానిజాలు తెలియాలంటే కొన్ని రోజులు ఆగాల్సిందే. త్వ‌ర‌లోనే నితిన్ అండ్ కో ఈ రీమేక్‌పై ఏదో ఒక నిర్ణ‌యం తీసుకుంటార‌ని టాక్‌.