நடிகர் மாதவன் மற்றும் லேடி சூப்பர் ஸ்டார் நயன்தாரா நடிக்க இருக்கும் ‘தி டெஸ்ட்’ என்ற திரைப்படம் குறித்த அறிவிப்பு சமீபத்தில் வெளியானது என்பதை பார்த்தோம். இந்த படத்தில் சித்தார்த் மற்றும் ராஷி கண்ணா ஆகியோர்களும் முக்கிய கேரக்டர்களில் நடிக்க இருப்பதாகவும் இந்த படத்தை பிரபல தயாரிப்பாளர் சசிகாந்த் இயக்க இருப்பதாகவும் தகவல்கள் வெளியாகின.

அதுமட்டுமின்றி இந்த படத்தில் சாக்சி ஸ்ரீ கோபாலன் என்ற பெண் இசையமைப்பாளர் இசையமைப்பாளராக அறிமுகம் ஆகிறார் என்ற தகவலும் வெளியானது. இந்த நிலையில் தற்போது இந்த படத்தில் மேலும் ஒரு முக்கிய நடிகை இணைந்துள்ளதாக அதிகாரப்பூர்வமாக அறிவிக்கப்பட்டுள்ளது. அவர்தான் நடிகை மீரா ஜாஸ்மின்.

ஏற்கனவே இவர் மாதவனுடன் ’ரன்’ என்ற சூப்பர் ஹிட் படத்தில் நடிகை மீரா ஜாஸ்மின் நடித்துள்ளார் என்பதும் அதுமட்டுமின்றி அஜித்தின் ’ஆஞ்சநேயா’ விஜய்யின் ’புதிய கீதை’ போன்ற படங்களிலும் நடித்துள்ளார் என்பது குறிப்பிடத்தக்கது.

டெஸ்ட் கிரிக்கெட் கதையம்சம் கொண்ட ‘தி டெஸ்ட் படத்தில் நடிகை மீரா ஜாஸ்மின் இணைந்துள்ளதை படக்குழுவினர் அதிகாரப்பூர்வமாக அறிவித்துள்ளனர் என்பதும் இது குறித்த புகைப்படம் வெளியாகி வைரலாகி வருகிறது என்பதும் குறிப்பிடத்தக்கது.

Happy to welcome on board #theTEST🏏 the super talented #MeeraJasmine ! ✨@ActorMadhavan #Nayanthara #Siddharth @sash041075 @chakdyn @onlynikil pic.twitter.com/cmNLcbojPG

— Y Not Studios (@StudiosYNot) May 9, 2023