சூப்பர் ஸ்டார் ரஜினியின் 'அண்ணாத்த' ஃபர்ஸ்ட்லுக் எப்போது? மீனாவின் இன்ஸ்டாகிராம் பதிவு!
- IndiaGlitz, [Thursday,July 01 2021]
சூப்பர் ஸ்டார் ரஜினிகாந்த் நடிப்பில் இயக்குனர் சிறுத்தை சிவா இயக்கத்தில் சன் பிக்சர்ஸ் நிறுவனத்தின் தயாரிப்பில் உருவான திரைப்படம் ‘அண்ணாத்த’. இந்த படத்தின் படப்பிடிப்பு முடிவடைந்து தற்போது போஸ்ட் புரொடக்ஷன் பணிகள் விறுவிறுப்பாக நடைபெற்று வருகிறது என்பதும் இந்த படம் வரும் தீபாவளி அன்று வெளியிட திட்டமிடப்பட்டு உள்ளது என்பது குறிப்பிடத்தக்கது.
இந்த நிலையில் இந்த படத்தின் பர்ஸ்ட் லுக் போஸ்டர் மிக விரைவில் வெளியாகும் என செய்திகள் வெளியாகிக் கொண்டிருந்த நிலையில் சற்று முன் இந்த படத்தில் முக்கிய கேரக்டரில் நடித்துள்ள நடிகை மீனா, ‘அண்ணாத்த’ பர்ஸ்ட் லுக் போஸ்டர் விரைவில் வெளியாகும் என்று தனது இன்ஸ்டாகிராம் பக்கத்தில் புகைப்படம் ஒன்றுடன் தெரிவித்துள்ளார். இந்த புகைப்படம் தற்போது வைரலாகி வருகிறது என்பது குறிப்பிடத்தக்கது. நடிகை மீனாவின் இந்த பதிவை அடுத்து ‘அண்ணாத்த’ படத்தின் பர்ஸ்ட் லுக் போஸ்டர் ரிலீஸ் குறித்த அறிவிப்பு விரைவில் வெளிவரும் என்று ரசிகர்கள் எதிர்பார்ப்பில் காத்திருக்கின்றனர்.
ரஜினிகாந்த், மீனா, குஷ்பூ, நயன்தாரா, சூரி, கீர்த்தி சுரேஷ், பிரகாஷ்ராஜ் உள்பட பலர் நடித்துள்ள இந்த திரைப்படத்திற்கு டி. இமான் இசையமைத்துள்ளார் என்பது குறிப்பிடத்தக்கது.