சூப்பர் ஸ்டார் ரஜினிகாந்த் நடிப்பில், சிறுத்தை சிவா இயக்கத்தில், சன் பிக்சர்ஸ் நிறுவனம் பிரம்மாண்டமாக தயாரித்து வரும் திரைப்படம் ’அண்ணாத்த’. இந்தப் படத்தின் படப்பிடிப்பு கொரோனா வைரஸ் ஊரடங்கு காரணமாக கடந்த சில மாதங்களாக நிறுத்தி வைக்கப்பட்டு இருந்தது என்பதும் சமீபத்தில் இந்த படத்தின் படப்பிடிப்பு ஹைதராபாத்தில் உள்ள ராமோஜிராவ் பிலிம் சிட்டியில் தொடங்கியது என்பதும் தெரிந்ததே.

ஏற்கனவே இந்த படத்தின் படப்பிடிப்பில் ரஜினிகாந்த், நயன்தாரா, கீர்த்தி சுரேஷ் உள்ளிட்டவர்கள் கலந்து கொண்டதாக செய்திகள் வெளிவந்த நிலையில் தற்போது இந்த படத்தின் படப்பிடிப்பில் மேலும் இரு பிரபலங்கள் இணைந்து உள்ளனர், அவர்கள் தான் குஷ்பு மற்றும் மீனா.

இந்த படத்தின் படப்பிடிப்பிற்காக ஐதராபாத்துக்கு செல்ல விமான நிலையத்துக்கு வந்த மீனா தற்செயலாக குஷ்புவை பார்த்த நிலையில் இருவரும் செல்பி எடுத்துக்கொண்டனர். இந்த செல்பி புகைப்படம் மீனாவின் சமூக வலைத்தளத்தில் பதிவு செய்துள்ளதை அடுத்து இந்த புகைப்படம் தற்போது மிகப்பெரிய அளவில் வைரலாகி வருகிறது. இந்த வாரம் மீனா, குஷ்பு மற்றும் ரஜினிகாந்த் சம்பந்தப்பட்ட காட்சிகளின் படப்பிடிப்பு நடக்கும் என தெரிகிறது.

View this post on Instagram

A post shared by Meena Sagar (@meenasagar16)