అన్నపూర్ణలోని 'రాధేశ్యామ్' సెట్‌లో అగ్ని ప్రమాదం... ఖండన
- IndiaGlitz, [Friday,October 16 2020]
యంగ్ రెబల్‌స్టార్ ప్రభాస్ ప్యాన్ ఇండియా అయిన‌ప్ప‌టి నుండి ఆయన సినిమాల‌పై చాలా ఫోక‌స్ పెరిగింది. అభిమానులు ఆస‌క్తిక‌రంగా ప్రభాస్ సినిమాల అప్‌డేట్స్ కోసం వెయిట్ చేస్తున్నారు. ప్రభాస్ కూడా అభిమానుల‌ను దృష్టిలో పెట్టుకుని సినిమాల‌ను ఓకే చేస్తూ వ‌స్తున్నారు. ప్రస్తుతం ప్రభాస్ ఖాతాలో మూడు ప్యాన్ ఇండియా ప్రాజెక్ట్స్‌ ఉన్నాయి. అందులో ముందుగా ప్రభాస్ 20వ చిత్రం 'రాధేశ్యామ్' ఇటలీలో చిత్రీక‌ర‌ణ‌ను జరుపుకుంటోంది. అయితే ఈ సినిమా కోసం హైదరాబాద్‌ అన్నపూర్ణ స్టూడియోలో రెండు భారీ సెట్స్‌ వేశారు. అయితే తాజా సమాచారం ఈ సెట్స్‌లో అగ్ని ప్రమాదం జరిగిందని షార్ట్‌ సర్క్యూట్‌ కారణంగా జరిగిన ఈ అగ్ని ప్రమాదంలో పెద్దగా ప్రమాదం జరగలేదని సమాచారం. సకాలంలో అగ్నిమాపక సిబ్బంది స్పందించడంతో ప్రమాదం తప్పిందట. అయితే ఈ అగ్నిప్రమాదం జరిగినట్లు వినిపిస్తోన్న వార్తలు అన్నపూర్ణ స్టూడియో వర్గాలు ఖండించాయి. స్టూడియో అధినేతల్లో ఒకరైన నాగార్జున సహా అందరూ అన్నపూర్ణ స్టూడియో అగ్ని ప్రమాదం జరిగినట్లు వస్తున్న వార్తల్లో నిజం లేదని అంటున్నారు.
జిల్‌ ఫేమ్‌ రాధాకృష్ణ కుమార్‌ దర్శకత్వంలో పీరియాడికల్ లవ్‌స్టోరిగా రూపొందుతోన్న 'రాధేశ్యామ్'లో పూజా హెగ్డే హీరోయిన్‌ నటిస్తుంది. అన్నీ కార్యక్రమాలను పూర్తి చేసి చిత్రాన్ని వచ్చే ఏడాది సమ్మర్‌లో విడుదల చేయాలని మేకర్స్‌ ప్లాన్‌ చేస్తున్నారు. అక్టోబర్‌ 23న ప్రభాస్ పుట్టినరోజు సందర్భంగా ఈ సినిమా టీజర్‌ను విడుదల చేస్తారని వార్తలు వినిపిస్తున్నాయి.