தளபதி விஜய் நடித்த ‘பீஸ்ட்’ திரைப்படம் இன்று வெளியாகியுள்ள நிலையில் இந்த படத்திற்கு கலவையான விமர்சனங்கள் கிடைத்து வருகின்றன. இந்த நிலையில் இந்த படத்தில் இடம்பெற்ற விஜய் பேசும் ஹிந்தி மொழி குறித்த வசனம் சமூக வலைதளங்களில் பரபரப்பை ஏற்படுத்தியுள்ளது.

இந்த வசனம் குறித்து கருத்து கூறிய தமிழக பாஜக தலைவர் அண்ணாமலை அவர்கள், ‘பீஸ்ட் படத்தில் விஜய் பேசிய வசனத்தை நானே பல இடங்களில் பேசி உள்ளேன் என்றும் விஜய் பேசிய வசனத்தில் எனக்கு உடன்பாடுதான் என்றும் கூறியுள்ளார். மேலும் இந்த விவகாரத்தில் மத்திய அமைச்சர் அமித்ஷாவுடன் கருத்து முரண்பாடு ஏதுமில்லை என்றும் அவர் தெரிவித்துள்ளார்.

அதேபோல் ‘பீஸ்ட்’ படத்தில் இடம்பெற்றுள்ள ஹிந்தி மொழி வசனம் குறித்து முன்னாள் அமைச்சர் ஜெயக்குமார் கூறியபோது, ‘விஜய் கூறியது போல் தமிழகத்தில் இந்தி மொழிக்கு இடமில்லை என்றும் தேவைப்பட்டால் வடமாநிலத்தவர்கள் தமிழைப் படித்துக் கொள்ளட்டும் என்றும் எங்களை பொருத்தவரை தமிழ் ஆங்கிலம் என்ற இரு மொழிக் கொள்கையில் நாங்கள் உறுதியாக உள்ளோம் என்றும் கூறியுள்ளார்.