நடிகர், இசையமைப்பாளர் விஜய் ஆண்டனி நடித்து முடித்துள்ள 'அண்ணாதுரை' திரைப்படம் ரிலீசுக்கு தயாராக இருக்கும் நிலையில் இந்த படம் நேற்று சென்சார் செய்யப்பட்டுள்ளது.

இந்த படத்தில் உள்ள எந்த காட்சியையும் சென்சார் அதிகாரிகள் கட் செய்யாமல் 'யூஏ' சான்றிதழ் அளித்துள்ளனர் என்பது குறிப்பிடத்தக்கது. சென்சார் சான்றிதழ் இந்த படத்திற்கு கிடைத்ததை அடுத்து விரைவில் இந்த படத்தின் ரிலீஸ் தேதி அதிகாரபூர்வமாக அறிவிக்கப்படவுள்ளது..

விஜய் ஆண்டனி இரண்டு வேடங்களில் நடித்தது மட்டுமின்றி இசை மற்றும் எடிட்டிங் பணியையும் இந்த படத்திற்காக அவர் செய்துள்ளார். ராதிகா மற்றும் விஜய் ஆண்டனி இணைந்து தயாரித்துள்ள இந்த படத்தை அறிமுக இயக்குனர் சீனிவாசன் இயக்கியுள்ளார்.

விஜய் ஆண்டனி, டயானா, மஹிமா, காளி வெங்கட், ராதாரவி உள்ளிட்ட பலர் நடித்துள்ள இந்த படத்திற்கு தில்ராஜ் ஒளிப்பதிவு செய்துள்ளார். தமிழ், தெலுங்கு என இரண்டு மொழிகளில் உருவாகியிருக்கும் இந்த படம் 'பிச்சைக்காரன்' படம் போலவே இரு மொழிகளிலும் சூப்பர் ஹிட் ஆகுமா? என்பதை பொறுத்திருந்து பார்ப்போம்