மாணவர்களின் கோரிக்கை ஏற்பு: அண்ணா பல்கலை தேர்வுகள் ஒத்திவைப்பு
- IndiaGlitz, [Friday,November 03 2017]
சென்னையில் நேற்று மாலை முதல் கனமழை பெய்து வருவதால் பெரும்பாலான இடங்களில் மழைநீர் தேங்கி வெள்ளக்காடாக காட்சி அளிக்கின்றது. அதுமட்டுமின்றி சாலைவழி போக்குவரத்து ஸ்தம்பித்துள்ளது. மெட்ரோ ரயில் போக்குவரத்து மட்டும் கைகொடுத்து வருவதால் சென்னை மக்கள் ஓரளவு நிம்மதி அடைந்துள்ளனர்.
இந்த நிலையில் சென்னை உள்பட ஆறு மாவட்டங்களுக்கு பள்ளிகள் இன்று விடுமுறை என்று அறிவிக்கப்பட்டுள்ளது. கல்லூரிகளுக்கும் ஒருசில மாவட்டங்களுக்கு விடுமுறை அளிக்கப்பட்டுள்ள நிலையில் சென்னை மாவட்ட கல்லூரிகளுக்கு இன்று விடுமுறை என அறிவிக்கப்பட்டுள்ளது
இந்த நிலையில் மாணவர்களின் கோரிக்கையை ஏற்று இன்று நடைபெறவிருந்த அண்ணா பல்கலைக்கழக செமஸ்டர் தேர்வுகள் ஒத்திவைக்கப்பட்டுள்ளதாக பல்கலைக்கழக நிர்வாகம் அறிவித்துள்ளது. ஒத்திவைக்கப்பட்ட தோ்வுக்கான மறுதேதி பின்னா் அறிவிக்கப்படும் என்று தோ்வு கட்டுப்பாட்டு அலுவலா் தெரிவித்துள்ளார்.
மேலும் பொதுமக்கள் நலன் கருதி, தனியார் நிறுவனங்கள் அனைத்தும் அவர்களது ஊழியர்களுக்கு விடுமுறை அளிக்க வேண்டும் என்று வருவாய் நிர்வாக ஆணையர் சத்தியகோபால் வேண்டுகோள் விடுத்துள்ளார்.