తొలిసారి అలాంటి పాత్ర‌లో అంజ‌లి
- IndiaGlitz, [Wednesday,October 30 2019]
అనుష్క ప్ర‌ధాన పాత్ర‌లో న‌టిస్తున్న చిత్రం 'నిశ్శ‌బ్దం'. హేమంత్ మ‌ధుక‌ర్ ద‌ర్శ‌కుడు. ఈ చిత్రంలో మాధ‌వ‌న్ షాలిని పాండే, అంజ‌లి, సుబ్బ‌రాజ్, హాలీవుడ్ న‌టుడు మ్యాడ్‌స‌న్‌ త‌దిత‌రులు కీల‌క పాత్ర‌ల్లో న‌టిస్తున్నారు. చిత్రీక‌ర‌ణ‌ను పూర్తి చేసుకున్న ఈ చిత్రం నిర్మాణానంత‌ర కార్య‌క్ర‌మాల‌ను జ‌రుపుకుంటుంది. వ‌చ్చే ఏడాది ఈ సినిమా విడుద‌ల కానుంది. నిశ్శ‌బ్దం షూటింగ్ మొత్తం విదేశాల్లోనే జ‌రిగింది. అక్క‌డ చిత్రీక‌ర‌ణ‌కు అనువైన వాతావ‌ర‌ణం వ‌చ్చే వ‌ర‌కు వేచి చూసి మ‌రీ తెర‌కెక్కించారు. పీపుల్ మీడియా ఫ్యాక్ట‌రీ, కోన ఫిల్మ్ కార్పొరేష‌న్ ఈ సినిమాను నిర్మిస్తున్నాయి. ఈ చిత్రాన్ని తెలుగు, త‌మిళ్‌, ఆంగ్లంలో విడుద‌ల చేయ‌నున్నారు. కాగా ఈ సినిమాలో అంజ‌లి పాత్ర‌కు సంబంధించిన ఆస‌క్తిక‌ర‌మైన విష‌య‌మొక‌టి తెలిసింది.
ఈ సినిమాను అమెరికా బ్యాక్‌డ్రాప్‌లోనే చిత్రీక‌రించారు. కాబ‌ట్టి అంజ‌లి అమెరికాలోని సీటెల్ ప్రాంతానికి చెందిన లేడీ పోలీస్ ఆఫీస‌ర్‌గా క‌నిపించ‌నుందట. తొలిసారి అంజ‌లి ఉమెన్ పోలీస్ ఆఫీస‌ర్‌గా న‌టిస్తున్నారు. ఈ పాత్ర కోసం ఆమె సీటెల్ పోలీస్ ఆఫీస‌ర్స్ బాడీ లాంగ్వేజ్‌ను గ‌మ‌నించ‌డ‌మే కాదు.. బ‌రువు కూడా త‌గ్గింద‌ట. అనుష్క పుట్టినరోజు సంద‌ర్భంగా ఈ సినిమా టీజ‌ర్‌ను విడుద‌ల చేయ‌బోతున్నారు.