ఐదేళ్ల తర్వాత న్యూ బిగినింగ్ అంటున్న నాయిక...
- IndiaGlitz, [Wednesday,July 06 2016]
ఐదేళ్ల తర్వాత న్యూ బిగినింగ్ అంటున్న నాయిక ఎవ‌రో కాదు అందాల నాయిక అంజ‌లి. షాపింగ్ మాల్, జ‌ర్నీ, సీత‌మ్మ‌వాకిట్లో సిరిమ‌ల్లె చెట్టు,గీతాంజ‌లి, డిక్టేట‌ర్...త‌దిత‌ర చిత్రాల‌తో తెలుగు ప్రేక్ష‌కుల‌ను ఎంత‌గానో ఆక‌ట్టుకుంది. తెలుగులో అప్పుడ‌ప్పుడు న‌టిస్తున్నా త‌మిళ్ లో మాత్రం వ‌రుస‌గా సినిమాలు చేస్తుంది. తాజాగా జ‌ర్నీ చిత్రంలో న‌టించిన హీరో జై తో క‌లిసి ఓ చిత్రం చేస్తుంది. రొమాంటిక్ హ‌ర్ర‌ర్ క‌ధాంశంతో రూపొందే ఈ చిత్రం ఈరోజు ప్రారంభ‌మైంది. ఈ సంద‌ర్భంగా అంజ‌లి ట్విట్ట‌ర్ లో స్పందిస్తూ...హీరో జై తో క‌లిసి న‌టిస్తున్న చిత్రం షూటింగ్ ఈరోజు ప్రారంభ‌మైంది. ఆఫ్ట‌ర్ ఫైవ్ ఇయ‌ర్స్..న్యూ బిగినింగ్స్ అంటూ ట్వీట్ చేసింది.
గ‌తంలో జ‌ర్ని చిత్రం చేస్తున్న టైమ్ లో జై, అంజ‌లి ఇద్ద‌రూ ప్రేమ‌లో ప‌డ్డార‌ని వార్త‌లు వ‌చ్చాయి. ఆత‌ర్వాత ల‌వ్ బ్రేక్ అప్ అయ్యింది అంటూ వార్త‌లు వ‌చ్చాయి. అయితే...ఇటీవ‌ల అంజ‌లి పుట్టినరోజుకి జై బ‌ర్త్ డే విషెష్ తెలియ‌చేయ‌డం...దీనికి స్పంద‌నగా ఇది నా బెస్ట్ బ‌ర్త్ డే..ఎప్పుడూ నాతోనే ఉండు జై అంటూ అంజ‌లి ట్వీట్ చేయ‌డంతో వీరు ల‌వ్ లోనే ఉన్నార‌నే విష‌యం తెలిసింది. ఇప్పుడు జైతో క‌లిసి చేస్తున్న సినిమా పై స్పందిస్తూ... ఐదేళ్ల తర్వాత న్యూ బిగినింగ్స్ అని ఈ చిన్న‌ది అన్న‌ది అంటే..ఖ‌చ్చితంగా అంజ‌లి - జై ల‌వ్ లోనే ఉన్నార‌ని తెలుస్తుంది. మ‌రి...వీరి ల‌వ్ ఎంత వ‌ర‌కు వెళుతుందో చూడాలి.