సిమ్రాన్ స్టైల్ లోనే అంజలిక్కూడా..
- IndiaGlitz, [Saturday,October 31 2015]
వెండితెర‌పై బాల‌కృష్ణ, సిమ్రాన్ ల జోడీ బెస్ట్ పెయిర్ అనిపించుకుంది. బాల‌య్య‌తో సిమ్రాన్ న‌టించిన 'స‌మ‌ర‌సింహా రెడ్డి', 'న‌ర‌సింహ‌నాయుడు' సినిమాలు ఇండ‌స్ట్రీ హిట్స్‌గా నిలిచాయి. ఈ రెండు చిత్రాల్లోనూ ఓ అంశం ఉంది. అదేమిటంటే.. ఆ చిత్రాల్లో సిమ్రాన్‌తో పాటు మ‌రో ఇద్ద‌రు హీరోయిన్స్ ఉన్నా.. సిమ్రాన్‌కే పాట‌ల వాటా ఎక్కువ.
అంటే.. ఆరు పాట‌లుంటే వాటిలో మూడు పాట‌లు సిమ్రాన్‌తోనే. ఇప్పుడు ఇదే లెక్క.. 'డిక్టేట‌ర్' కోసం అంజ‌లి విష‌యంలోనూ జ‌రుగుతోంద‌ని స‌మాచారం. ఇందులో అంజ‌లితో పాటు సోనాల్ చౌహాన్‌, అక్ష కూడా బాల‌య్య‌తో జ‌ట్టుక‌ట్టినా.. మూడు పాట‌ల లెక్క అంజ‌లికేన‌ని ఇన్‌సైడ్ సోర్స్ చెప్పుకొస్తోంది. మ‌రి సిమ్రాన్ లాగే అంజ‌లి కూడా బాల‌య్య ప‌క్క‌న హిట్ పెయిర్‌గా నిలుస్తుందేమో చూడాలి.