நிஜ கொரில்லாவுடன் நடித்த அஞ்சலி.. வித்தியாசமான 50வது படம்..!
- IndiaGlitz, [Wednesday,September 06 2023]
நடிகை அஞ்சலி நடிக்கும் 50வது படம் குறித்த அறிவிப்பு கடந்த சில மாதங்களுக்கு முன்னர் வெளியானது என்பதும் 'ஈகை’ என்ற டைட்டில் வைக்கப்பட்டிருந்த இந்த படத்தின் பர்ஸ்ட் லுக் போஸ்டரை இயக்குனர் வெங்கட் பிரபு வெளியிட்டிருந்தார் என்பதையும் பார்த்தோம்.
அசோக் வேலாயுதம் இயக்கத்தில், ஸ்ரீதர் ஒளிப்பதிவில், தருண் குமார் இசையில், பிரவீன் படத்தொகுப்பில் உருவாகி வருகிறது. இந்த நிலையில் இந்த படத்தின் படப்பிடிப்பு சமீபத்தில் தாய்லாந்தில் நடந்ததாக செய்திகள் வெளியானது.
இந்நிலையில் இந்த படத்தில் முக்கிய கேரக்டரில் கொரில்லா நடிப்பதாகவும் நிஜ கொரில்லாவுடன் அஞ்சலி நடித்த சில காட்சிகளை படமாக்குவதற்காக தான் படக்குழுவினர் தாய்லாந்து சென்றதாகவும் கூறப்படுகிறது.
பயிற்சி அளிக்கப்பட்ட கொரில்லாவுடன் நடிகை அஞ்சலி சில காட்சிகள் நடித்தார் என்றும் அதன் பின்னர் சென்னையில் செயற்கையாக உருவாக்கப்படும் கொரில்லா உடன் மீதமுள்ள காட்சிகள் படமாக்கப்பட உள்ளதாகவும் கூறப்படுகிறது. அஞ்சலியின் 50வது படமான 'ஈகை’ வித்தியாசமான படமாக அமைவதால் இந்த படம் நிச்சயம் வெற்றி பெறும் என்று எதிர்பார்க்கப்படுகிறது.
நடிகை அஞ்சலி ஏற்கனவே ஷங்கர் இயக்கத்தில் ராம்சரண் தேஜா நடிப்பில் உருவாகி வரும் ‘கேம் சேஞ்சர்’ என்ற திரைப்படத்தில் முக்கிய கேரக்டரில் நடித்து வருகிறார் என்பது குறிப்பிடத்தக்கது.