అవార్డులు తెచ్చే పాత్ర‌ల కోసం అంజలా ఆరాటం
- IndiaGlitz, [Thursday,April 26 2018]
'ప్రేమించుకుందాం రా..' (1997), 'చూడాలని వుంది' (1998), 'సమరసింహారెడ్డి'(1999) లాంటి ఇండస్ట్రీ హిట్స్‌లో నటించి లక్కీ హీరోయిన్ అనిపించుకున్నారు ఉత్త‌రాది భామ అంజలా ఝ‌వేరి. ఆ తర్వాత కూడా కొన్ని పెద్ద సినిమాల్లో సంద‌డి చేసినా.. ఆశించిన విజయాన్ని, గుర్తింపుని ఇవ్వలేకపోయాయి. క్రమేణా సినిమాల్లో అవకాశాలు తగ్గడంతో పెళ్లి చేసుకుని.. సినిమాలకి కొంత బ్రేక్ ఇచ్చేసింది.
అయితే.. నిన్నటి తరం హీరోయిన్‌లైన మీనా, సిమ్రాన్, భూమిక, నదియా, ఖుష్బూ రీ-ఎంట్రీ ఇచ్చి మంచి విజయాలతో పాటు భారీగా పారితోషికం అందుకోవడంతో.. ఇప్పుడు వారిలాగే అంజలా ఝ‌వేరి కూడా తెలుగులో రీ-ఎంట్రీ ఇచ్చేందుకు స‌న్నాహాలు చేస్తున్న‌ట్టు తెలుస్తోంది.
అయితే.. ఈమె మాత్రం పారితోషికం కంటే మంచి అవార్డులను తెచ్చే పాత్రలు ఉంటేనే నటిస్తానని కండిషన్ కూడా పెడుతోందట. మొత్తానికి.. ఇంతవరకు లక్కీ గర్ల్ అనిపించుకున్న ఈ భామ.. ఇప్పుడు మంచి నటి కూడా అనిపించుకోవాలని తహతహలాడుతున్నట్టు సమాచారం. మరి ఈమెలో ఉండే ఆ 'ఉత్త‌మ నటి'ని బయటకి తీసే దర్శకుడు ఎవరో మరి కొద్ది రోజుల్లో తెలుస్తుంది.