பிக் பாஸ் நிகழ்ச்சியின் ஒரு மணி நேர நிகழ்ச்சியை விட அந்த நிகழ்ச்சியின் 30 விநாடி புரோமோ வீடியோக்கள் பெரும் பரபரப்பையும் நிகழ்ச்சியை பார்க்க வேண்டும் என்ற ஆவலை தூண்டும் வகையிலும் இருக்கும் என்பதே இந்த நிகழ்ச்சியின் வெற்றி ரகசியம்.

அந்த வகையில் ஏற்கனவே இன்றைய முதல் இரண்டு புரமோ வீடியோக்கள் குறித்து ஏற்கனவே நாம் பார்த்தோம். தற்போது மாலை 3 மணிக்கு வெளியாக உள்ள மூன்றாவது புரமோ இணையதளங்களில் கசிந்துள்ளது.

அதில் அனிதா சம்பத் சுரேஷை விடாமல் துரத்துகிறார். இந்த பஞ்சாயத்து இப்போதைக்கு முடியாது போல் தெரிகிறது. ’அவர் நியூஸ் ரீடர் என்று கூறவில்லையாம், நான் ஒரு வார்த்தையை அதிகமாக கூறிவிட்டேனாம், அவர் நியூஸ் ரீடர் என்று சொல்லவில்லை என்றே வைத்து கொள்வோம், ஆனால் எச்சில் தெறிக்கும் என்று சொன்னது உண்மைதானே.

ஆனால் அவர் சொன்னதை மக்கள் மறந்துவிடுவார்கள், நான் ஒரு வார்த்தை எக்ஸ்ட்ரா சொன்னதை தான் பிடித்துவிடுவார்கள். எனக்கு இது தேவையில்லாத கெட்ட பெயர். எனக்கு கெட்ட பெயர் கிரியேட் பண்ண வேண்டும் என்பதே அவருடைய குறிக்கோளாக உள்ளது. அதுமட்டுமல்ல, அவருக்கு புரோமோவுல வரணும், நீங்க அவருக்கு நிறைய புரமோ போடுங்க பிக்பாஸ்’ என்று கேமிராவை பார்த்து அனிதா கூறுவதுடன் இன்றைய மூன்றாவது புரமோ முடிவுக்கு வந்துள்ளது. மொத்தத்தில் இன்றைய மூன்று புரமோவில் இரண்டு அனிதா சம்பத்-சுரேஷ் சம்பந்தப்பட்டது என்பதால் இன்று ஒரு சரியான சம்பவம் இருக்குது என்பது தெளிவாகிறது.