அனிருத்தின் முதல் திகில் படத்தின் சென்சார் விபரங்கள்
- IndiaGlitz, [Thursday,December 29 2016]
தனுஷின் 'விஐபி' படத்தில் அவருடைய தம்பியாக நடித்திருந்த ரிஷிகேஷ் ஹீரோவாக நடித்து முடித்திருக்கும் திரைப்படம் 'ரம்'. இந்த படத்தில் 'சூது கவ்வும்' புகழ் சஞ்சிதா ஷெட்டி நாயகியாக நடித்துள்ளார்.
முழுக்க முழுக்க திகில படமாக அமைந்துள்ள இந்த படத்திற்கு அனிருத் இசையமைத்துள்ளார். அனிருத் இசையமைத்துள்ள முதல் திகில் படம் இதுதான் என்பதால் இந்த படத்தின் இசைக்கு பெரும் எதிர்பார்ப்பு உள்ளது
இந்நிலையில் 'ரம்' படம் இன்று சென்சார் அதிகாரிகளால் சென்சார் செய்யப்பட்டு 'யூ/ஏ' சான்றிதழ் அளிக்கப்பட்டுள்ளது. சென்சார் சான்றிதழ் கிடைத்துவிட்டதால் மிக விரைவில் இந்த படத்தின் ரிலீஸ் தேதியை படக்குழுவினர் அறிவிக்க திட்டமிட்டுள்ளனர்.
ரிஷிகேஷ், நரேன், சஞ்சிதா, மியா ஜார்ஜ், விவேக் உள்ளிட்ட பலர் நடித்துள்ள இந்த படத்தை சாய்பரத் இயக்கியுள்ளார்.