தனுஷ் நடித்த '3' படத்தின் மூலம் இசையமைப்பாளராக அறிமுகமான அனிருத், கிட்டத்தட்ட தனுஷின் அனைத்து படங்களுக்கும் இசையமைத்து வருகிறார். இந்நிலையில் தனுஷின் சகோதரர் செல்வராகவன் இயக்கவுள்ள அடுத்த படத்திற்கு அனிருத் இசையமைக்கவுள்ளதாக கூறப்படுகிறது.

சிம்பு நடிப்பில் செல்வராகவன் இயக்கி வந்த 'கான்' திரைப்படம் எதிர்பாராத நிலையில் டிராப் ஆகிவிட்ட நிலையில், தனுஷ் நடிப்பில் ஒரு படத்தை செல்வராகவன் இயக்கவுள்ளார். வரும் 2016, பிப்ரவரியில் தொடங்கவிருக்கும் இந்த படத்திற்கு அனிருத் இசையமைக்கவுள்ளதாகவும், இந்த படத்தில் தனுஷுக்கு ஜோடியாக மீண்டும் சமந்தா நடிக்கவுள்ளதாகவும் கூறப்படுகிறது.

ஏற்கனவே நாளை வெளியாகவுள்ள 'தங்கமகன்' படத்தில் தனுஷ்-சமந்தா-அனிருத் இணைந்துள்ள நிலையில் மீண்டும் இதே மூவர் செல்வராகவன் இயக்கும் படத்தில் இணையவுள்ளனர் என்பது குறிப்பிடத்தக்கது.