கடந்த சில மணி நேரங்களாக இணையதளங்களில் இளம் இசைப்புயல் அனிருத்தின் பெண் வேட புகைப்படம் ஒன்று வைரலாகி வருகிறது. நயன்தாரா நடித்து வரும் 'கோலமாவு கோகிலா' படத்தில்தான் அனிருத் பெண் வேடத்தில் நடித்து வருவதாகவும் கூறப்பட்டது.

ஆனால் இந்த செய்தியை அனிருத் தரப்பு மறுத்துள்ளது. இந்த புகைப்படம் வேறு ஒரு நிகழ்ச்சிக்காக எடுக்கப்பட்டது என்றும், கோலமாவு கோகிலா படத்தில் அனிருத் பெண் வேடத்தில் நடிப்பதாக வெளிவந்துள்ள செய்தி முற்றிலும் வதந்தியே என்றும் விளக்கம் அளிக்கப்பட்டுள்ளது.

மேலும் கோலமாவு கோகிலா' படத்தில் அனிருத் நடிப்பது உண்மையென்றாலும், அந்த படத்தில் அனிருத்தின் கேரக்டர் குறித்து படக்குழுவினர் ரகசியமாக வைத்துள்ளதாகவும் தெரிகிறது. அனிருத் நடிப்பது மட்டுமின்றி இசையும் அமைத்துள்ள இந்த படத்தை நெல்சன் திலீப்குமார் இயக்கி வருகிறார். இந்த படத்தை லைகா நிறுவனம் தயாரித்துள்ளது.