லேடி சூப்பர் ஸ்டார் நயன்தாரா நடித்து வரும் படங்களில் ஒன்று 'கோலமாவு கோகிலா'. பெரும் எதிர்பார்ப்பை ஏற்படுத்தியுள்ள இந்த படத்தின் படப்பிடிப்பு விறுவிறுப்பாக நடந்து கொண்டிருக்கும் நிலையில் இந்த படத்தின் இசையமைப்பாளர் அனிருத், இந்த படத்தின் பாடல்கள் குறித்து தன்னுடைய சமூக வலைத்தளத்தில் குறிப்பிட்டுள்ளார்

'கோலமாவு கோகிலா' படத்திற்கு இசையமைப்பதை விரும்பி செய்து வருகிறேன். இந்த படத்தின் ஐந்து பாடல்களில் இன்னும் ஒரு பாடல் மட்டுமே கம்போஸ் செய்ய வேண்டியதுள்ளது. இந்த படத்தின் அடுத்த சிங்கிள் பாடல் அடுத்த மாதம் வெளியாகும். இந்த பாடல் ரசிகர்களை கவரும் என நம்புகிறேன்' என்று கூறியுள்ளார்.

நயன்தாரா, விஜய் டிவி புகழ் ஜாக்குலின், சரண்யா, யோகிபாபு, நிஷா உள்பட பலர் நடித்து வரும் இந்த படத்தை லைகா புரடொக்சன்ஸ் நிறுவனம் தயாரித்து வருகிறது. சிவகுமார் விஜயன் ஒளிப்பதிவும், நிர்மல் படத்தொகுப்பு பணியும் செய்து வரும் இந்த படம் விரைவில் வெளிவரவுள்ளது