నితిన్ తమిళ సంగీత దర్శకుడి డెబ్యూ...
- IndiaGlitz, [Sunday,August 30 2015]
చిన్నదాన నీ కోసం' ఆశించిన రేంజ్ లో సక్సెస్ సాధించకపోవడంతో యంగ్ హీరో నితిన్ వెంటనే సినిమా చేయకుండా గ్యాప్ తీసుకున్నాడు. అఖిల్ సినిమాని నిర్మించే పనిలో బిజీగా మారిపోయాడు. నిర్మాతగానే కాకుండా హీరోగా తన నెక్స్ ట్ సినిమాని స్టార్ట్ చేస్తున్నాడు. త్రివిక్రమ్ దర్శకత్వంలో రూపొందనున్న ఈ చిత్రాన్ని రాధాకృష్ణ నిర్మించనున్నాడు.
ప్రస్తుతం ఈ చిత్రానికి సంబంధించిన ప్రీ ప్రొడక్షన్ వర్క్స్ జరుగుతున్నాయట. సమంత హీరోయిన్ గా నటిస్తుంది. మరో హీరోయిన్ ఎవరనేది తెలియాల్సి ఉంది. తాజాగా ఈ చిత్రానికి తమిళ ఇండస్ట్రీకి చెందిన నటరాజ్ సినిమాటోగ్రఫీ వర్క్ అందిస్తున్నాడు. అనిరుధ్ సంగీతాన్ని అందిస్తున్నాడు. సెప్టెంబర్ మూడో వారంలో ఈ సినిమా లాంఛనంగా ప్రారంభమవుతుందట.