தல அஜீத்தின் அட்டகாசமான 'கெத்து' பாடல்?
- IndiaGlitz, [Saturday,September 26 2015]
தல அஜீத் நடித்து வரும் 'வேதாளம்' படத்தின் படப்பிடிப்பு இறுதிக்கட்டத்தில் இருக்கும் நிலையில், இந்த படத்தின் டைட்டில் மற்றும் பர்ஸ்ட் லுக் ஆகியவை சமீபத்தில் வெளிவந்து இணையதளங்களை புரட்டி போட்டது என்பதை பார்த்தோம்.
'வேதாளம்' படத்தில் அஜீத், ஒரு தரலோக்கல் பாடலுக்கு அபார டான்ஸ் ஆடியுள்ளார் என்ற தகவல் ஏற்கனவே வந்த நிலையில் தற்போது அந்த பாடலின் முதல் வரி லீக் ஆகியுள்ளது. "கெத்த விடாத உன் கெத்த விடாத" என்று தொடங்கும் இந்த பாடல், 'அதாரு அதாரு' ஸ்டைலில் பார்வையாளர்களை ஆட்டம் போட வைக்கும் என எதிர்பார்க்கப்படுகிறது. 'தல' என்றாலே கெத்து' என்று கூறப்படும் நிலையில் அவரது படத்தில் இடம்பெற்ற 'கெத்து' பாடல் கெத்தாகத்தான் இருக்கும் என அவரது ரசிகர்கள் சமூக இணையதளத்தில் கூறி வருகின்றனர்.
மேலும் 'வேதாளம்' படத்தின் பாடல் வெளியீடு வரும் அக்டோபர் 16ஆம் தேதி நடைபெறும் என கூறப்படுகிறது. இந்த நாள் இந்த படத்தின் இசையமைப்பாளர் அனிருத்தின் பிறந்த நாள் என்பதும் குறிப்பிடத்தக்கது. அஜீத், ஸ்ருதிஹாசன், லட்சுமி மேனன், கபீர்தாஸ், ராகுல்தேவ், சூரி, தம்பி ராமையா மற்றும் பலர் நடித்திருக்கும் 'வேதாளம்' படத்தை சிறுத்தை சிவா இயக்கியுள்ளார். கலைப்புலி எஸ்.தாணு தயாரித்துள்ள இந்த படம் வரும் தீபாவளி தினத்தில் வெளிவரவுள்ளது.