விக்ரம் பிரபு படத்தில் முதன்முதலாக இணையும் அனிருத்
- IndiaGlitz, [Wednesday,October 26 2016]
விக்ரம்பிரபு நடித்து வரும் 'நெருப்புடா' படத்தின் படப்பிடிப்பு விறுவிறுப்புடன் நடைபெற்று வரும் நிலையில் இந்த படத்தின் பிரஸ்மீட் இன்று சென்னையில் நடைபெற்றது. இந்த பிரஸ்மீட்டில் விக்ரம்பிரபு, இளையதிலகம் பிரபு, ராம்குமார், இசையமைப்பாளர் சீன் ரோல்டான் உள்ளிட்டோர் கலந்து கொண்டனர்.
சீன் ரோல்டான் இசையமைக்கும் இந்த படத்தின் ஒரு பாடலை பிரபல இளம் இசையமப்பாளர் அனிருத்தும் இன்னொரு பாடலை சங்கர் மகாதேவன் பாடியுள்ளதாகவும் இந்த பிரஸ் மீட்டில் தெரிவிக்கப்பட்டது. விக்ரம்பிரபு படத்தில் அனிருத் பாடுவது இதுவே முதல்முறை என்பதும் அதுமட்டுமின்றி முதல்முறையாக விக்ரம் பிரபுவே ஒரு பாடலை பாடியுள்ளார் என்பது குறிப்பிடத்தக்கது.
மேலும் இந்த படத்தின் படப்பிடிப்பு 50% முடிந்துவிட்டதாக விக்ரம்பிரபு தெரிவித்தார். விக்ரம்பிரபுவின் முதல் தயாரிப்பான இந்த படத்தில் அவருக்கு ஜோடியாக நிக்கி கல்ராணி நடித்துள்ளார். மேலும் மொட்டை ராஜேந்திரன், ஆடுகளம் நரேன் உள்பட பலர் இந்த படத்தில் நடித்துள்ளனர். இந்த படத்தை அசோக்குமார் என்பவர் இயக்கி வருகிறார்.