'வாரிசு' படத்தில் அனிருத் பாடிய பாடல் இதுதான்.. டிராக்லிஸ்ட்டின் முழு விபரங்கள்!
- IndiaGlitz, [Saturday,December 24 2022]
ளபதி விஜய் நடித்த 'வாரிசு’ திரைப்படம் மற்றும் அஜித் நடித்த 'துணிவு’ திரைப்படம் ஆகிய இரண்டு படங்களும் வரும் பொங்கல் தினத்தில் வெளியாக இருக்கும் நிலையில் இந்த இரண்டு படங்களின் புரமோஷன்களும் போட்டி போட்டுக் கொண்டு மாறி மாறி வெளியாகி வருகின்றன.
இந்த நிலையில் கடந்த சில நாட்களுக்கு முன்னர் ’துணிவு’ படத்தில் இசையமைப்பாளர் அனிருத் பாடிய ’சில்லா சில்லா’ பாடல் வெளியானது என்பதும் இந்த பாடல் மிகப் பெரிய அளவில் வைரலானது என்பதும் தெரிந்ததே.
இந்த நிலையில் சமீபத்தில் 'வாரிசு’ திரைப்படத்திலும் அனிருத் ஒரு பாடலை பாடியுள்ளார் என்று கூறப்பட்டு வந்த நிலையில் சற்று முன் இந்த படத்தின் டிராக்லிஸ்ட் வெளியாகி 'வாரிசு’ படத்தில் அனிருத் பாடியுள்ளார் என்பது உறுதி செய்யப்பட்டுள்ளது. விஜய்யின் 'வாரிசு’ படத்தின் டிராக் லிஸ்ட் முழு விபரங்கள் இதோ:
1. ரஞ்சிதமே ரஞ்சிதமே பாடல்: பாடியவர்கள் விஜய், மானஸி
2. தீ தளபதி பாடல்: பாடியவர் சிலம்பரசன்
3. பூங்கொடி பூபதி பாடல்: பாடியவர்: ஷங்கர் மகாதேவன்
4. சோல் ஆஃப் வாரிசு பாடல்: பாடியவர் சித்ரா
5. பாஸ் ரிட்டர்ன்ஸ் பாடல்: பாடியவர் அனிருத்
6. கடிதங்கள் வரைந்தாய் பாடல்: பாடியவர்கள்; சித் ஸ்ரீராம், ஜொனிதா காந்தி
மேற்கட அனைத்து பாடல்களையும் பாடலாசிரியர் விவேக் எழுதியுள்ளார் என்பது குறிப்பிடத்தக்கது.
விஜய், ராஷ்மிகா மந்தனா பிரகாஷ்ராஜ், சரத்குமார், ஷாம், யோகிபாபு, பிரபு, ஜெயசுதா, ஸ்ரீகாந்த், சங்கீதா, சம்யுக்தா, உள்பட பலர் நடித்து வரும் இந்த படம் கார்த்திக் பழனி ஒளிப்பதிவில், பிரவிண் கே.எல் படத்தொகுப்பில் உருவாகி வருகிறது. தமிழ், தெலுங்கு மொழிகளில் உருவாகியுள்ள இந்த படம் மிகப்பெரிய எதிர்பார்ப்பை ஏற்படுத்தியுள்ளது.