தனுஷ் தம்பி படத்திற்கு இசையமைக்கும் அனிருத்
- IndiaGlitz, [Friday,October 30 2015]
தனுஷின் அனைத்து படங்களுக்கும் தொடர்ச்சியாக இசையமைத்து வரும் இசையமைப்பாளர் அனிருத், தற்போது 'வேலையில்லா பட்டதாரி' படத்தின் தனுஷுக்கு தம்பியாக நடித்த ரிஷிகேஷ் ஹீரோவாக நடிக்கும் படம் ஒன்றுக்கு இசையமைக்க ஒப்பந்தம் செய்யப்பட்டுள்ளதாக கூறப்படுகிறது.
இந்த படத்திற்கு 'ரம்' என்று டைட்டில் வைக்கப்பட்டுள்ளதாகவும், இந்த படம் குறித்த மற்ற தகவல்கள் விரைவில் அறிவிக்கப்படும் என்று கூறப்படுகிறது.
ஏற்கனவே தனுஷ்-துரைசெந்தில்குமார் படம், சிவகார்த்திகேயன் - பாக்யராஜ் கண்ணன் படம், ஏ.ஆர்.முருகதாஸ் - சோனாக்ஷி சின்ஹாவின் 'அகிரா' உள்பட ஒருசில படங்களுக்கு அனிருத் இசையமைத்து வருகிறார் என்பது குறிப்பிடத்தக்கது.