அனிருத்தின் அடுத்த ஆல்பம் ரிலீஸ் தேதி அறிவிப்பு
- IndiaGlitz, [Thursday,October 27 2016]
பிரபல இளம் இசையமைப்பாளர் அனிருத் தற்போது கோலிவுட்டின் பிசியான இசையமைப்பாளர்களில் ஒருவராக இருந்து வரும் நிலையில் அவர் இசையமைத்துள்ள 'ரம்' படத்தின் பாடல்கள் வரும் நவம்பர் 2ஆம் தேதி வெளியாகவுள்ளதாக அறிவிக்கப்பட்டுள்ளது.
தனுஷின் 'வேலையில்லா பட்டதாரி' படத்தில் அவருக்கு தம்பியாக நடித்த ரிஷிகேஷ் ஹீரோவாக நடிக்கும் இந்த படத்தில் சஞ்சிதா ஷெட்டி, நரேன், மியா ஜார்ஜ், விவேக் உள்பட பலர் நடித்துள்ளனர். சாய் பரத் இயக்கியுள்ள இந்த படத்தை விஜய் ராகவேந்திரா தயாரித்துள்ளார்.
முதல் முறையாக திகில் படத்திற்கு அனிருத் இசையமைத்துள்ளார் என்பது குறிப்பிடத்தக்கது. இந்த படத்தின் பாடல்களின் டிராக் லிஸ்ட் தற்போது வெளியாகியுள்ளது. மொத்தம் ஏழு பாடல்கள் கொண்ட இந்த படத்தின் ஆல்பத்தில் நான்கு பாடல்களை அனிருத்தே பாடியுள்ளார் என்பது குறிப்பிடத்தக்கது.
அனிருத் சமீபத்தில் இசையமைத்த நானும் ரெளடிதான், வேதாளம், தங்கமகன், ரெமோ ஆகிய படங்களின் பாடல்கள் அனைத்தும் சூப்பர் ஹிட் ஆகியுள்ள நிலையில் அந்த வரிசையில் இந்த படத்தின் பாடல்களும் பெரும் வரவேற்பை பெறும் என எதிர்பார்க்கப்படுகிறது.