கடந்த இரண்டு நாட்களாக 'அடுத்த வாரிசு யார்? என்று ஒரு சிம்மாசனம் புகைப்பட விளம்பரம் வெளிவந்து சமூக வலைத்தளங்களை பரபரப்புக்கு உள்ளாக்கியது. இந்த நிலையில் சற்றுமுன் இசையமைப்பாளர் அனிருத் அடுத்த வாரிசு யார்? என்ற மர்மத்தை வெளியிட்டுள்ளார்.

பிரபல நகைச்சுவை நடிகர் யோகிபாபு முக்கிய வேடத்தில் நடிக்கும் 'தர்மபிரபு' என்ற திரைப்படம் தான் அந்த அடுத்த வாரிசின் மர்மம். 'கோலமாவு கோகிலா' உள்பட பல திரைப்படங்களில் காமெடி வேடங்களில் கலக்கி வரும் யோகிபாபு தற்போது முக்கிய வேடத்தில் நடிக்க ஆரம்பித்துவிட்டார். அந்த வகையில் ஒரு திரைப்படடம் தான் 'தர்மபிரபு. இந்த படத்தில் யோகிபாபு எமதர்மராஜா வேடத்தில் நடிக்கின்றார் என்பது போல் இந்த ஃபர்ஸ்ட்லுக் போஸ்டார் உருவாக்கப்பட்டுள்ளது.

இந்த படத்தை முத்துகுமரன் என்பவர் இயக்கவுள்ளார். இவர் ஏற்கனவே 'விமல், வரலட்சுமி நடித்த 'கன்னிராசி' என்ற படத்தை இயக்கியுள்ளார் என்பது குறிப்பிடத்தக்கது. ஜஸ்டின் பிரபாகரன் இசையில் மகேஷ் முத்துசுவாமி ஒளிப்பதிவில் ஷான் லோகேஷ் படத்தொகுப்பில் உருவாகும் இந்த படத்தை ரங்கநாதன் என்பவர் தயாரிக்கவுள்ளார்.