நயன்தாராவின் அடுத்த பட டைட்டில் எப்போது? அனிருத் தகவல்
- IndiaGlitz, [Monday,July 04 2016]
லேடி சூப்பர் ஸ்டார் நயன்தாரா சமீபத்தில் நடைபெற்ற SIIMA விருது வழங்கும் விழாவில் தமிழ் மற்றும் மலையாள படங்களின் சிறந்த நடிகைக்கான விருதை பெற்றார். அவருடைய நடிப்பும் இளமையும் நாளுக்கு நாள் மெருகேறிக்கொண்டே போகும் நிலையில் தென்னிந்தியாவின் பிசியான நடிகைகளில் ஒருவராக அவர் விளங்கி வருகிறார்.
தற்போது நயன்தாரா ஜீவாவுடன் 'திருநாள்', வெங்கடேஷூடன் பாபு பங்காராம்', கார்த்தியுடன் 'காஷ்மோரா', விக்ரமுடன் 'இருமுகன்' ஆகிய படங்களில் நடித்து வருகிறார்.
மேலும் மோகன் ராஜா இயக்கத்தில் உருவாகும் அடுத்த படத்தில் சிவகார்த்திகேயன் ஜோடியாக நடிக்கவுள்ளார். இந்த படத்திற்கு அனிருத் இசையமைக்க நிலையில் இந்த படத்தின் டைட்டில் நாளை அறிவிக்கப்படும் என அனிருத் தனது சமூக வலைத்தளத்தில் தெரிவித்துள்ளார். அனிருத்-நயன்தாரா இணைந்த 'நானும் ரவுடிதான்' சூப்பர் ஹிட் ஆனதை போல இந்த படமும் ஹிட் ஆகுமா? என்பதை பொறுத்திருந்து பார்ப்போம்.