அஜித்தை திணறடித்த அனிருத்தின் ஐம்பது
- IndiaGlitz, [Wednesday,June 14 2017]
இந்த ஆண்டின் மிகப்பெரிய எதிர்பார்ப்பை ஏற்படுத்தியுள்ள படங்களில் ஒன்று அஜித்தின் 'விவேகம்'. இந்த படம் வரும் ஆகஸ்ட் மாதம் வெளியாகவுள்ள நிலையில் சமீபத்தில் இந்த படத்தின் தீம் சாங் ஒன்று இறுதி செய்யப்பட்டுள்ளது.
இந்த படத்திற்காக இசையமைப்பாளர் அனிருத் சுமார் 50 தீம் பாடல்களை கம்போஸ் செய்து அஜித்திடம் கொடுத்ததாகவும், அவர் கொடுத்த அனைத்து தீம் பாடல்களும் சூப்பராக இருந்ததால் அவற்றில் ஒன்றை தேர்வு செய்ய அஜித் திணறியதாகவும் கூறப்படுகிறது.
ஒருவழியாக அஜித் அனைத்து பாடல்களையும் கவனமாக கேட்டு ஒன்றை தேர்வு செய்ததாகவும் அஜித் தேர்வு செய்த தீம் பாடல், 'வேதாளம்' படத்தில் இடம்பெற்ற 'ஆலுமா டோலுமா' பாடலுக்கு நிகரானது என்றும் இந்த பாடல் உலகம் முழுவதும் கலக்க போவது உறுதி என்றும் படக்குழுவினர் கூறி வருகின்றனர்.
ஜேம்ஸ்பாண்ட் படத்திற்கு நிகரான ஆக்சன் காட்சிகள் அடங்கிய 'விவேகம்' படத்தில் அஜித், காஜல் அகர்வால், அக்சராஹாசன், விவேக் ஓபராய் உள்பட பலர் நடித்துள்ளனர். சிறுத்தை சிவா இயக்கத்தில் உருவாகியுள்ள இந்த படத்தை சத்யஜோதி பிலிம்ஸ் நிறுவனம் மிகப்பெரிய பொருட்செலவில் தயாரித்துள்ளது.