தல அஜித் நடித்த மிகப்பெரிய வெற்றிப்படமான 'விஸ்வாசம்' படத்தில் அஜித் நயன்தாராவை அடுத்து ரசிகர்களை மிகவும் கவர்ந்தவர் அஜித் மகளான ஸ்வேதா என்ற கேரகரில் நடித்த அனிகா. இவருடைய நடிப்பை அஜித் ரசிகர்கள் உள்பட அனைவரும் சமூக வலைத்தளங்களில் பாராட்டி வருகின்றனர்.

இந்த நிலையில் விஜய்சேதுபதி நடித்து வரும் 'மாமனிதன்' படத்தில் தற்போது அனிகா இணைந்துள்ளார். ஆனால் விஜய்சேதுபதியின் மகளாக அவர் நடிக்கவில்லை என்றும் படத்தின் கதைக்கு திருப்புமுனையை ஏற்படுத்தும் ஒரு முக்கிய கேரக்டரில் நடித்து வருவதாக கூறப்படுகிறது.

விஜய்சேதுபதி, காயத்ரி, குருசோமசுந்தரம், அனிகா உள்பட பலர் நடித்து வரும் 'மாமனிதன்' படத்திற்கு இளையராஜா, யுவன்ஷங்கர் ராஜா, கார்த்திக்ராஜா ஆகியோர் இசையமைத்து வருகின்றனர். சீனுராமசாமி இயக்கி வரும் இந்த படத்தை ஒய்.எஸ்.ஆர் புரடொக்சன்ஸ் மற்றும் கே. புரடொக்சன்ஸ் இணைந்து தயாரிக்கின்றது.