நடிகை ஏஞ்சலினா ஜோலியின் தீவிர ரசிகையும், இன்ஸ்டாகிராம் பிரபலமுமான சாஹர் தாபர் என்பவர் கொரோனாவால் பாதிக்கப்பட்டுள்ளார். இவர் தற்போது ஈரான் சிறையில் இருக்கிறார் என்பது குறிப்பிடத்தக்கது.

ஈரான் நாட்டைச் சேர்ந்தவர் என்ற சாஹர் தாபர் என்ற பெண், நடிகை ஏஞ்சலினா ஜோலியின் தீவிர ரசிகை ஆவார். இவர் ஏஞ்சலினா போலவே தனது முகத் தோற்றத்தையும் உடல் தோற்றத்தையும் அறுவை சிகிச்சை செய்து மாற்றிக் கொண்டதாக கூறப்படுகிறது.

இந்த நிலையில் சர்ச்சைக்குள்ளான வகையில் தனது சமூகக் இன்ஸ்டாகிராம் பக்கத்திலும் பதிவுகள் போடும் வழக்கம் கொண்ட சாஹர் தாபர், கடந்த ஆண்டு தனது இன்ஸ்டாகிராம் பக்கத்தில் வன்முறையை பரப்பும் விதமாக செயல்பட்டதாக கைது செய்யப்பட்டு சிறையில் அடைக்கப்பட்டார். இந்த நிலையில் தற்போது சிறையில் இருக்கும் அவருக்கு கொரோனா நோய்த்தொற்று இருப்பது உறுதி செய்யப்பட்டுள்ளது. இதனை அடுத்து அவர் சிறையிலேயே தனிமைப்படுத்தப்பட்டு சிகிச்சை பெற்று வருகிறார்.

இந்த நிலையில்தான் ஈரான் நாட்டு நீதிமன்றத்தில் சாஹர் தாபர் ஜாமீன் மனு தாக்கல் செய்துள்ளதாகவும் அந்த மனு தள்ளுபடி செய்யப்பட்டுள்ளதாகவும் தகவல்கள் வெளியாகி உள்ளது. ஏஞ்சலினா ஜோலியின் தீவிர ரசிகையும் இன்ஸ்டாகிராம் பிரபலமுமான சாஹர் தாபர் சிறையில் இருக்கும் போது கொரோனாவால் பாதிக்கப்பட்டது அவரது ரசிகர்களுக்கு பெரும் அதிர்ச்சியை ஏற்படுத்தி உள்ளது.