அரவிந்தசாமி நடிப்பில் சித்திக் இயக்கி வரும் 'பாஸ்கர் ஒரு ராஸ்கல்' திரைப்படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தில் தற்போது பிரபல நடிகை ஆண்ட்ரியா இணைந்துள்ள தகவல் வெளிவந்துள்ளது,. ஆனால் ஆண்ட்ரியா இந்த படத்தில் நடிக்கவில்லை என்பதும் இந்த படத்திற்காக ஒரு பாடலை பாடியுள்ளார் என்பதும் குறிப்பிடத்தக்கது.

பாஸ்கர் ஒரு ராஸ்கல்' படத்தின் இசையமைப்பாளர் அம்ரீஷ் இசையில் ஆண்ட்ரியா ஒரு சூப்பர் ஹிட் பாடலை பாடலை பாட, அந்த பாடல் இன்று ஒலிப்பதிவு செய்யப்பட்டுள்ளது. இந்த பாடல் வரும் 30ஆம் தேதி வெளியாகவுள்ளதாக அறிவிக்கப்பட்டுள்ளது.

அதுமட்டுமின்றி இந்த படத்திற்காக பாடகர் கிரிஷ் ஒரு மாஸ் பாடலை பாடியுள்ளதாகவும் செய்திகள் வெளிவந்துள்ளது. இந்த செய்தியை க்ரிஷ் தனது சமூக வலைத்தளத்தில் உறுதி செய்துள்ளார். மேலும் அரவிந்தசாமிக்காக முதன்முதலாக இந்த பாடலை தான் பாடியுள்ளதாகவும் அவர் தெரிவித்துள்ளார்.