தளபதி விஜய் நடித்த ’மாஸ்டர்’ திரைப்படம் கடந்த ஏப்ரல் மாதமே ரிலீஸுக்கு தயாராக உள்ளது என்பதும் தற்போது வரும் பொங்கல் தினத்தில் இந்த படம் உலகம் முழுவதும் பிரமாண்டமாக வெளியாக உள்ளது என்றும் செய்திகள் வெளியாகி உள்ளது

இந்த நிலையில் ’மாஸ்டர்’ படத்தின் புரமோஷன் பணிகள் மிக விரைவில் தொடங்கப்படும் என்று கூறப்படும் நிலையில் வரும் ஜனவரி 1ஆம் தேதி புத்தாண்டு தினத்தில் இந்த படத்தின் டிரைலர் வெளியாகும் என்று எதிர்பார்க்கப்படுகிறது

இந்த நிலையில் ’மாஸ்டர்’ படத்தின் நாயகிகளில் ஒருவரான ஆண்ட்ரியா இன்று தனது பிறந்த நாளை கொண்டாடுவதை அடுத்து ’மாஸ்டர்’ படக்குழுவினர் அட்டகாசமான புகைப்படம் ஒன்றை வெளியிட்டுள்ளனர். விஜய் மற்றும் ஆண்ட்ரியா அருகருகே உட்கார்ந்து இருக்கும் இந்த புகைப்படம் ஆண்ட்ரியாவின் பிறந்தநாள் பரிசாக கருதப்படுகிறது

இந்த படத்தில் விஜய் ஜோடியாக மாளவிகா மோகனன் நடித்தாலும் ஆண்ட்ரியாவும் இன்னொரு ஜோடியா? என்பது குறித்த தகவல் இன்னும் வெளியாகவில்லை. இருப்பினும் அவரின் கேரக்டர் படத்தின் முக்கியத்துவம் வாய்ந்த கேரக்டர் என்பது மட்டும் உறுதி. லோகேஷ் கனகராஜ் இயக்கத்தில் அனிருத் இசையில் உருவாகியிருக்கும் இந்த படம் 2021 ஆம் ஆண்டின் முதல் வெற்றிப் படமாக இருக்கும் என்று கருதப்படுகிறது