ஆண்ட்ரியா முக்கிய வேடத்தில் நடித்த ‘நோ எண்ட்ரி’ என்ற படத்தின் டிரைலர் சற்றுமுன் வெளியாகி இணையதளங்களில் வைரலாகி வருகிறது.

ஆண்ட்ரியா மற்றும் அவரது குழுவினர் காட்டிற்கு ஆய்வுக்காக சொல்லும் போது வேட்டை நாய்களால் சூழப்படுகின்றனர். அவர்களிடமிருந்து ஆண்ட்ரியா மற்றும் குழுவினர் எப்படி தப்பித்தார்கள் என்பது தான் இந்த படத்தின் கதை என டிரைலரில் இருந்து தெரிய வருகிறது.

வேட்டை நாய்கள் குறித்து நிறைய ஆய்வு செய்து எடுக்கப்பட்டுள்ள இந்த படத்தை அழகு கார்த்திக் என்பவர் இயக்கி உள்ளார். ஆண்ட்ரியா, ஆதவ் கண்ணதாசன், ரான்யா ராவ், மனஸ், ஜெயஸ்ரீ, ஜான்வி உள்பட பலரது நடிப்பில் உருவாகிய இந்த படத்திற்கு அஜேஷ் இசையமைத்துள்ளார்.

ரமேஷ் சக்கரவர்த்தி ஒளிப்பதிவில், பிரதீப் ராகவ் படத்தொகுப்பில் உருவாகிய இந்த படம் விரைவில் வெளியாக உள்ளது என்பது குறிப்பிடத்தக்கது. இந்த படத்தின் டிரைலரில் உள்ள திரில்லர் காட்சிகளை பார்க்கும்போது நிச்சயம் த்ரில் பட ரசிகர்களுக்கு இந்த படம் பிடிக்கும் என்று எதிர்பார்க்கப்படுகிறது.