தளபதி விஜய் நடித்த ‘பிகில்’ திரைப்படம் தீபாவளி விருந்தாக கடந்த வெள்ளியன்று வெளியாகி ஒருபக்கம் வெற்றிநடை போட்டு வரும் நிலையில் ‘தளபதி 64’ படத்தின் படப்பிடிப்பும் இன்னொரு பக்கம் விறுவிறுப்பாக நடைபெற்று வருகிறது.

‘தளபதி 64’ படத்தின் முதல்கட்ட படப்பிடிப்பு சென்னையில் 22 நாட்கள் நடைபெற்று முடிந்துவிட்ட நிலையில் அடுத்தகட்ட படப்பிடிப்பு டெல்லியில் அடுத்த மாதம் நடைபெறவுள்ளது. இந்த நிலையில் இந்த படத்தில் ஏற்கனவே மாளவிகா மேனன், சாந்தனு, அந்தோனி வர்கீஸ் உள்பட பலர் நடித்து வரும் நிலையில் தற்போது மேலும் இருவர் இந்த படத்தின் அடுத்தகட்ட படப்பிடிப்பின்போது இணையவுள்ளதாக கூறப்படுகிறது.

அதில் ஒருவர் நடிகை ஆண்ட்ரியா. இவர் இந்த படத்தில் கவர்ச்சியான பேராசிரியரை வேடத்தில் நடிக்கவிருப்பதாக கூறப்படுகிறது. இன்னொருவர் வெப் சீரீஸில் நடித்து வரும் பிரிகிதா என்பவர் முக்கிய வேடத்தில் நடிக்கவுள்ளதாகவும் செய்திகள் வெளிவந்துள்ளது

மேலும் இந்த படத்திற்காக அனிருத் இரண்டு பாடல்களை கம்போஸ் செய்து முடித்துவிட்டதாகவும் அவற்றில் ஒரு பாடலின் படப்பிடிப்பு டெல்லியில் நடைபெறவிருப்பதாகவும் தெரிகிறது