அவெஞ்சர் படம் பார்த்து மாரடைப்பால் மரணம் அடைந்த இந்திய ரசிகர்
- IndiaGlitz, [Thursday,May 03 2018]
மார்வல் சூப்பர் ஹீரோக்கள் திரைப்பிரவேசத்தின் பத்தாவது ஆண்டுக் கொண்டாட்டமாக சமீபத்தில் உலகம் வெளியாகியுள்ள அவெஞ்சர்ஸ்: இன்ஃபினிட்டி வார்’ என்ற ஹாலிவுட் திரைப்படம் இந்தியா முழுவதிலும் வெளியாகி ரூ.100 கோடிக்கும் அதிகமாக வசூல் செய்துள்ளது. உலக அளவில் இந்த படத்தின் வசூல் ரூ.5000 கோடியை தாண்டிவிட்டது
இந்த நிலையில் இந்த படத்தின் மீது யார் கண் பட்டதோ தெரியவில்லை, இந்த படத்தை பார்த்த ரசிகர் ஒருவர் மாரடைப்பால் மரணம் அடைந்தார்.
ஆந்திர மாநிலத்தில் உள்ள ஒரு திரையரங்கில் அவென்சர்ஸ் திரைப்படம் 3டியில் ஓடிக்கொண்டிருந்தது. படம் முடிந்து அனைவரும் வெளியேறிய நிலையில் ஒருவர் மட்டும் 3டி கண்ணாடியை அணிந்தபடியே இருக்கையில் உட்கார்ந்திருந்தார். திரையரங்க ஊழியர்கள் அவரை சோதனை செய்தபோது அவர் கண்விழித்தபடியே மரணம் அடைந்துள்ளது தெரியவந்தது. பின்னர் போலீசார் வந்து பிணத்தை மீட்டு பிரேத பரிசோதனைக்கு அனுப்பி வைத்தனர். பிரேத பரிசோதனையில் அவர் மாரடைப்பால் மரணம் அடைந்ததாக கூறப்பட்டது.. இதுகுறித்து போலீசார் மேலும் விசாரணை செய்து வருகின்றனர்.,