குழந்தை பெற்ற ஒரே மாதத்தில் பணிக்கு திரும்பிய ஐஏஎஸ் அதிகாரி
- IndiaGlitz, [Monday,April 13 2020]
உலகம் முழுவதும் கொரோனா வைரஸ் மிக வேகமாக பரவி வரும் நிலையில் கொரோனா வைரசுக்கு எதிரான போரில் அனைத்து நாட்டு அரசாங்கங்களும், காவல்துறையினரும், மருத்துவர்களும், நர்சுகளும், மருத்துவ ஊழியர்களும், துப்புரவு தொழிலாளிகளும் சுகாதாரத்துறை உள்பட அனைத்து அரசு ஊழியர்களும் இரவு பகல் பாராமல் பணி செய்து வருகின்றனர்
இந்த நிலையில் ஆந்திர மாநிலத்தின் ஐஏஎஸ் அதிகாரி ஸ்ரீஜனா என்பவர் விசாகப்பட்டினம் மாநகராட்சி கமிஷனராக பணிபுரிந்து வருகிறார். இவருக்கு சமீபத்தில் குழந்தை பிறந்தது. அவருக்கு ஆறு மாதம் பிரசவ விடுமுறை இருந்தபோதிலும் குழந்தை பிறந்த ஒரே மாதத்தில் கைக்குழந்தையுடன் பணிக்குத் திரும்பிவிட்டார்.
கொரோனா வைரஸ் காரணமாக பல்வேறு பணிகள் இருக்கும் நிலையில் தான் விடுமுறையில் வீட்டில் இருக்க விரும்பவில்லை என்பதால் பணியை தொடர முடிவு எடுத்ததாக அவர் கூறியுள்ளார். ஒரு மாத கைக்குழந்தையை ஒரு கையிலும் இன்னொரு கையில் போன், லேப்டாப் என அவர் பிசியாக பணி செய்து கொண்டிருக்கும் புகைப்படங்கள் வைரலாகி வருகிறது.
கொரோனா வைரஸுக்கு எதிரான போரில் இவர் போன்ற அதிகாரிகள் தன்னலம் கருதாது பொது மக்களுக்காக சேவை செய்வதை பொதுமக்களும், நெட்டிசன்களும் பாராட்டி வருகின்றனர். அதே சமயம் ஒர் மாதமே ஆகும் குழந்தையை பத்திரமாக பார்த்துக்கொள்ளும்படி அறிவுரையும் கூறி வருகின்றனர்.
An extraordinary feather of @IASassociation. 2013 batch IAS Mrs @GummallaSrijana Commissioner @GVMC_OFFICIAL refused to take 06 months maternal leave and joined back her office with one month old baby in lap. Truly inspiring to all #CoronaWarriors #COVID__19 pic.twitter.com/mzbPsUyTco
— Chiguru Prashanth Kumar (@prashantchiguru) April 11, 2020