సందీప్ తో అందాల రాక్షసి...
- IndiaGlitz, [Thursday,February 11 2016]
సందీప్‌కిష‌న్ ఇప్పుడు రెండు సినిమాలు చేస్తున్నాడు. నిత్యామీన‌న్‌తో క‌లిసి ఒక్క అమ్మాయి త‌ప్ప' సినిమా, మరో సినిమాగా మల‌యాళ నేరం' సినిమాను తెలుగులో రీమేక్ చేస్తున్నారు. ఈ రెండు సినిమాలు కాకుండా త‌మిళంలో ఓ సినిమా చేయ‌డానికి రెడీ అవుతున్నాడు. ఈ సినిమాను తమిళ నిర్మాత సి.వి.కుమార్ ద‌ర్శ‌క‌త్వం చేయ‌బోతున్నాడు.
ఈ సినిమాలో ముందుగా తాప్సీని హీరోయిన్‌గా అనుకున్నారు. అయితే తాప్సీ డేట్స్ అడ్జ‌స్ట్ చేయ‌లేక‌పోవ‌డంతో తాప్సీ స్థానంలో లావ‌ణ్య త్రిపాఠిని హీరోయిన్‌గా తీసుకున్నారు. గ‌తంలో బ్ర‌హ్మాన్' అనే తమిళ సినిమాలో న‌టించిన లావ‌ణ్య చాలా గ్యాప్ త‌ర్వాత చేస్తున్న త‌మ‌ళ సినిమా ఇదే కావ‌డం విశేషం. భ‌లే భ‌లే మ‌గాడివోయ్‌, సోగ్గాడే చిన్ని నాయ‌నా వరుస విజ‌యాలు అందుకున్న లావ‌ణ్య‌కు ఈ చిత్రం త‌మిళంలో ఎలాంటి బ్రేక్ తెస్తుందో చూడాలి.