Anchor Shyamala:మొన్ననే లగ్జరీ హౌస్‌లో గృహ ప్రవేశం.. ఇప్పుడు మరో భూమిపూజ, శ్యామల సంపాదనపై ట్రోలింగ్
- IndiaGlitz, [Saturday,March 04 2023]
సోషల్ మీడియాలో మంచి ఫ్యాన్ ఫాలోయింగ్ వున్న తెలుగు యాంకర్లలో శ్యామల ఒకరు. పెళ్లయి, ఒక బిడ్డకు తల్లయినా శ్యామల ఫిగర్‌లో కొంచెం కూడా మార్పు రాలేదు. మొన్నామధ్య స్టార్ డైరెక్టర్ రామ్‌గోపాల్ వర్మ సైతం.. తన చూపుల నుంచి మీరు ఎలా తప్పించుకున్నారంటూ శ్యామల అందానికి ఫిదా అయ్యారు. ఇక బొద్దుగా మారకుండా ఎప్పటికప్పుడు వర్కౌట్స్ , డైట్ చేసి నాజూకుగా మారుతున్నారు శ్యామల.
హాట్ ఫోటో షూట్‌లతో కుర్ర హీరోయిన్లకు పోటీ :
సోషల్ మీడియాలో చురుగ్గా వుండే శ్యామలకు ఇన్‌‌స్టాగ్రామ్, ట్విట్టర్, ఫేస్‌బుక్‌లో భారీ ఫ్యాన్ ఫాలోయింగ్ వుంది. తన సినిమాలు, షోలు, వ్యక్తిగత వివరాలను ఆమె ఎప్పటికప్పుడు అభిమానులతో షేర్ చేసుకుంటూ వుంటారు. అలాగే హాట్ ఫోటో షూట్‌లో కుర్ర హీరోయిన్లకు సవాల్ విసురుతూ వుంటారు శ్యామల. అనసూయ, రష్మీ, శ్రీముఖి తరహాలో ఓవర్ ఎక్స్‌పోజ్ చేయకుండా పద్ధతిగా వుంటూ ఈవెంట్లు, ఇంటర్వ్యూలు, సినిమాలతో శ్యామల బిజీగానే వుంటున్నారు. సీరియల్ నటుడు నరసింహారెడ్డిని ప్రేమ వివాహం చేసుకున్న ఆమె.. భర్త, తన కొడుకును చూసుకుంటూ సక్సెస్‌ఫుల్‌గా పర్సనల్ లైఫ్‌ని , కెరీర్‌ను లీడ్ చేస్తున్నారు.
ఇదిలావుండగా.. హైదరాబాద్‌లోని మంచి ప్రైమ్ ఏరియాలో శ్యామల దంపతులు గతేడాది విలాసవంతమైన ఇంటిని నిర్మించుకున్న సంగతి తెలిసిందే. స్టార్ హీరోలు, హీరోయిన్లతో సమానంగా ఈ ఇంటిలో సకల సదుపాయాలను ఏర్పాటు చేశారు. దీని విలువ రూ. కోట్లలో వుంటుందని ఫిలింనగర్ టాక్. గృహ ప్రవేశానికి నటులు అలీ, సుమ, రాజీవ్ కనకాల, తనీష్‌లతో పాటు పలువురు ప్రముఖులు హాజరయ్యారు. ఇది జరిగి నెలలు తిరక్కుండానే శ్యామల దంపతులు మరో భూమి పూజ కార్యక్రమంలో పాల్గొన్నారు. దీనికి సంబంధించిన ఫోటోలను ఆమె తన ఇన్‌స్టాగ్రామ్‌లో పంచుకున్నారు. అయితే దీనిపై సోషల్ మీడియాలో విపరీతంగా ట్రోలింగ్ జరుగుతోంది. మొన్ననే కదా లగ్జరీ ఇల్లు కట్టుకున్నారు.. అంతలోనే ఇప్పుడు మరో ఇల్లా. ఇంత షార్ట్ పీరియడ్‌లో అంత డబ్బు ఎలా వస్తోంది . కొంచెం మాకు కూడా ఆ సీక్రెట్ చెప్పండంటూ నెటిజన్లు కామెంట్స్ పెడుతున్నారు.