அஜித் நடித்த ‘விஸ்வாசம்’ திரைப்படம் கடந்த ஆண்டு வெளியாகி மிகப்பெரிய வெற்றி பெற்றது என்பதும் குறிப்பாக இந்த படத்தில் இடம்பெற்ற ‘கண்ணான கண்ணே’ பாடல் பட்டிதொட்டியெங்கும் புகழ் பெற்றது என்பதும் தெரிந்ததே. இந்த நிலையில் இந்த பாடலை கடந்த சில மாதங்களுக்கு முன் பாடிய மாற்றுத்திறனாளி திருமூர்த்தி என்பவர் இசையமைப்பாளர் டி.இமானின் கவனத்தை பெற்று அதன்பின் தற்போது பாடகாராகவும் மாறியுள்ளார் என்பது குறிப்பிடத்தக்கது.

இந்த நிலையில் தற்போது ‘நீயா நானா’ உள்ளிட்ட பல தொலைக்காட்சி நிகழ்ச்சிகளை தொகுத்து வழங்கும் பிரபலமான கோபிநாத்தின் மகள் வெண்பா, ‘கண்ணான கண்ணே’ பாடலை கிடாரில் மிக அருமையாக இசைத்துள்ளார். இதுகுறித்த வீடியோவை கோபிநாத் தனது சமூக வலைத்தளத்தில் பதிவு செய்துள்ளார்.

இந்த வீடியோவை தற்போது அஜித் ரசிகர்கள் சமூக வலைத்தளத்தில் பகிர்ந்து வருகின்றனர். அச்சு அசலாக ‘கண்ணான கண்ணே’ பாடலை கிடாரில் இசைத்துள்ள கோபிநாத்தின் மகளுக்கு வாழ்த்துக்கள் குவிந்து வருவதோடு, வருங்காலத்தில் இசையமைப்பாளராக அஜித் ரசிகர்கள் வாழ்த்து தெரிவித்து வருகின்றனர்.

View this post on Instagram

Kannana kanne #Guitar #viswasam #ajith #venbagobinath

A post shared by Gobinath (@gobinathsocial) on Apr 30, 2020 at 9:09am PDT