கமல்ஹாசனை சந்திக்க வந்த அன்புமணியின் மனைவி
- IndiaGlitz, [Tuesday,January 23 2018]
உலக நாயகன் கமல்ஹாசன் வரும் பிப்ரவரி 21ஆம் தேதி அரசியல் கட்சியை தொடங்கி அதனையடுத்து தமிழகம் முழுவதும் சுற்றுப்பயணம் செய்து மக்களை சந்திக்கவுள்ளார். அன்றில் இருந்தே அவரது அரசியல் பயணம் ஆரம்பமாகவுள்ள நிலையில் நேற்றும் இன்றும் அவர் இதுகுறித்து ரசிகர் மன்ற நிர்வாகிகளிடம் ஆலோசனை செய்து வருகிறார். இதனால் கமல்ஹாசனின் அலுவலகம் இருக்கும் ஆழ்வார்ப்பேட்டையே பரபரப்பில் உள்ளது.
இந்த நிலையில் கமல்ஹாசனை சந்திக்க பாட்டாளி மக்கள் கட்சியின் இளைஞரணி தலைவர் அன்புமணி அவர்களின் மனைவி செளமியா இன்று கமல்ஹாசனை சந்திக்க அவரது ஆழ்வார்ப்பேட்டை அலுவலகத்திற்கு வந்தார்.
தங்களது இல்லத்தில் நடைபெறவுள்ள ஒரு விழாவில் பங்கேற்க கமல்ஹாசனுக்கு அழைப்பு விடுக்கவே அவர் வந்ததாகவும், அழைப்பிதழை கொடுத்துவிட்டு அவர் கமலிடம் விடைபெற்று சென்றுவிட்டதாகவும் கூறப்படுகிறது.