முன் ஜாமீன் மனுவை திடீரென வாபஸ் பெற்ற அன்புச்செழியன்
- IndiaGlitz, [Thursday,November 30 2017]
சசிகுமார் உறவினர் அசோக்குமாரின் தற்கொலைக்கு காரணமானவர் என்று போலீசாரால் தேடப்பட்டு வரும் பைனான்சியர் அன்புச்செழியன் நேற்று சென்னை ஐகோர்ட்டில் முன் ஜாமீன் மனுவை தாக்கல் செய்தார். அந்த மனுவில் தான் அசோக்குமாரின் தற்கொலைக்கு காரணம் இல்லை என்றும் தனக்கு முன் ஜாமீன் வழங்குமாறும், இந்த வழக்கில் அனைத்துவித ஒத்துழைப்பையும் தருவதாக உறுதி கூறுவதாகவும் அவர் தெரிவித்திருந்தார்.
இந்த நிலையில் சற்றுமுன்னர் அன்புச்செழியனின் முன் ஜாமீன் மனு திடீரென வாபஸ் பெறப்பட்டுள்ளது. அன்புச்செழியன் மீது போலீசார் கந்துவட்டி வழக்குபதிவு செய்த நிலையில் முன்ஜாமீன் மனுவை அன்புச்செழியனின் வழக்கறிஞர்கள் வாபஸ் பெற்றுள்ளது திரையுலகினர்களை ஆச்சரியத்தில் ஆழ்த்தியுள்ளது.