பிறந்த நாள் வாழ்த்துக்கள் சிம்பு..
- IndiaGlitz, [Friday,February 03 2017]
சகலகலா வித்தகர் டி.ராஜேந்தரின் மகனும் இளைஞர்களின் நம்பிக்கை நட்சத்திரமுமான சிம்பு இன்று தனது பிறந்த நாளை கொண்டாடி வருகிறார். அவருக்கு நமது உளங்கனிந்த பிறந்த நாள் வாழ்த்துக்கள்
குழந்தை நட்சத்திரமாக தந்தை டி.ராஜேந்தர் இயக்கிய பல படங்களில் நடித்த சிம்பு, ஹீரோவாகவும் தந்தை இயக்கிய 'காதல் அழிவதில்லை' படத்தின் மூலம் அறிமுகமானார். அதன்பின்னர் கோலிவுட் திரையுலகில் பல வெற்றி தோல்விகளை சந்தித்து இன்று இளையதலைமுறை முன்னணி நடிகர்களில் ஒருவராக உள்ளார்.
ஹரி இயக்கிய 'கோவில்', சிம்பு நடித்த இயக்கிய 'வல்லவன்', கெளதம் மேனன் இயக்கிய 'விண்ணைத்தாண்டி வருவாயோ', பாண்டிராஜ் இயக்கிய 'இது நம்ம ஆளு', ஆகிய படங்கள் சிம்புவுக்கு பெருமை சேர்த்த படங்கள்
நடிகராக மட்டுமின்றி பாடகர், பாடலாசிரியர், இயக்குனர், என பல அவதாரங்களில் ஜொலித்து வரும் சிம்பு தற்போது சந்தானம் நடிக்கும் 'சக்க போடு போடு ராஜா' படத்தில் இசையமைப்பாளராகவும் அறிமுகமாகிறார்.
பீப் பாடல் போன்ற பல சர்ச்சைகளில் சிக்கினாலும், சமூக அக்கறையும், மனதில் தோன்றியதை தைரியமாக வெளியே சொல்லும் குணமும் உடையவர். சமீபத்தில் நடந்த மாணவர்களின் ஜல்லிக்கட்டு போராட்டத்திற்கு திரையுலகில் இருந்து முதல் ஆதரவுக்குரல் கொடுத்தவர் சிம்பு. திரையுலகிலும் இசையுலகிலும் இன்னும் பல சேவைகள் செய்து கோலிவுட்டில் மென்மேலும் உயர சிம்புவுக்கு இந்த பிறந்த நாளில் எங்களது வாழ்த்துக்களை மீண்டும் ஒருமுறை தெரிவித்து கொள்கிறோம்